10 lutaha kala 0.15 na 19-m kiłamietry aŭtadarohi Hoza — Astraviec — Ašmiany ŭ kiuviecie apynuŭsia pasažyrski aŭtobus, jaki jechaŭ ź Vilni ŭ Minsk, paviedamlaje Dziaržaŭtainśpiekcyja Hrodzienskaj vobłaści.
Pavodle papiaredniaj infarmacyi aŭtobus marki «Nieapłan» u niejki momant vyjechaŭ na pałasu sustrečnaha ruchu, dalej na abočynu, u vyniku čaho apynuŭsia ŭ kiuviecie. Užo na minimalnaj chutkaści aŭtobus loh na levy bok.
Učastak darohi, dzie adbyłasia avaryja, pramy i z dobraj bačnaściu, na prajeznaj častcy nie było ni naledzi, ni śniehu.
Akramia kiroŭcy ŭ aŭtobusie znachodzilisia 37 pasažyraŭ. Paśla DTZ nieadkładna prybyli na miesca supracoŭniki milicyi, jakija akazvali ludziam nieabchodnuju dapamohu. Na miescy zdareńnia pracavali miedyki i supracoŭniki MNS.
Kab dastavić paciarpiełych u balnicu i nazad supracoŭniki milicyi arhanizavali aŭtobus ź miascovaha aŭtaparka.
17 pasažyram, jakija atrymali rany i parezy, akazali nieabchodnuju miedycynskuju dapamohu ŭ Astravieckaj CRB. Nichto z pasažyraŭ nie byŭ špitalizavany.
Za źjezd z darohi kiroŭca aŭtobusa 1987 hoda naradžeńnia pryciahnuty da administracyjnaj adkaznaści.
Praź niekatory čas ź Minska prybyŭ druhi aŭtobus, jaki dastaviŭ usich pasažyraŭ da punkta pryznačeńnia.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii13
Kamientary