Homielski harvykankam admoviŭsia pierajmianoŭvać vulicu Kamsamolskuju
U Homielskim harvykankamie adkazali na kalektyŭny zvarot ab pierajmienavańni vulicy Kamsamolskaj u honar architektara Stanisłava Šabunieŭskaha.
U harvykankamie nie źbirajucca abmiarkoŭvać pytańnie ab pierajmienavańni na pasiadžeńni tapanimičnaj kamisii. Pytańnie ab prysvajeńni imia Šabunieŭskaha ŭžo nieadnarazova razhladałasia tapanimičnaj kamisijaj. Jaho imia ŭžo ŭniesiena ŭ bank imionaŭ hramadzian, jakimi mohuć nazyvacca vulicy Homiela.
Pa sutnaści heta aznačaje, što ŭ honar Stanisłava Šabunieŭskaha mohuć nazvać jaki-niebudź zavułak na ŭskrainach horada. U «Pošukach staroha Homiela» źbirajucca abskardzić adkaz čynoŭnikaŭ.
Stanisłaŭ Daniłavič Šabunieŭski — architektar, jaki aktyŭna pracavaŭ u Homieli na pačatku minułaha stahodździa, zaśpieŭ i časy carskaj Rasii, i praŭleńnie balšavikoŭ. Na vulicy Kamsamolskaj staić budynak byłoj mužčynskaj himnazii, u im ciapier raźmiaščajecca adzin z karpusoŭ BiełDUT. Hety budynak staŭ pieršym siarod mnostva prajektaŭ Šabunieŭskaha. Jaho aŭtarstvu naležać dom Kamuny na praśpiekcie Lenina, «šery dom» na Puškina, pałac kultury čyhunačnikaŭ i mnohija inšyja.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary