Harbuzovy kary: sytna, raznastajna i ŭ adnoj kastruli
Mnie padabajecca, kali smačnuju sytnuju stravu možna pryhatavać u adnym rondali: prosta zakinuć tudy patrebnyja inhredyjenty, pačakać — i nasałodžvacca smakam.
Adnoj z takich straŭ dla mianie źjaŭlajecca kary, vodar i smak jakoha napaŭniaje ŭsiu kuchniu. Nie paškadujcie dla jaho pasty kary i kakosavaha małaka, kab strava mieła pryjemnuju hastratu i cikavy aryjentalny prysmak.
Pasta kary tradycyjny ŭžyvajecca ŭ tajskaj kuchni. Hetaja sumieś zvyčajna składajecca z čyrvonaha hostraha piercu, časnaku, cedry kafir-łajma, hałanhału, kuminu i inšych śpiecyj.
Fota minimalistbaker.com
Nam spatrebicca:
- 1 vialikaja cybulina
- 2 zubčyki časnaku
- 1 č.ł. čyrvonaj pasty kary
- 400 hr. harbuza
- 3 bulbiny
- 300 hr. kviacistaj kapusty
- 1 słoik kakosavaha małaka
- 1 šklanka bulonu (z harodninaj ci kurynaha)
- 200 hr. kurynaha file (možna zamianić na 200 hr. varanaha nutu)
- žmienia arachisu ci kiešju
- kinza
- alej
U rondali ci hłybokaj patelni hrejem 2 st.ł. aleju. Časnok i cybulu drobna režam i dadajom da aleju razam z kary pastaj. Dajom niekalki chvilin padsmažycca.
Nastupnym dadajom kavałki kurynaha file. Smažym chvilinak 7. Kali zamiest kurycy vy vykarystoŭvajecie nut, to dadajom jaho razam z aharodninaj.
Hetym časam bulbu i harbuz narazajem kubikami. Dadajom u rondal bulbu, harbuz i kviacistuju kapustu, nalivajem kakosavaje małako i bulon. Dajom zakipieć, nakryvajem nakryŭkaj i tušym chvilin 25—30 na maleńkim ahni.
Padajom z areškami, padsmažanymi na suchoj patelni, i halinkami kinzy. Najlepšym harniram tut budzie pryhatavany rys, naprykład basmaci.
Smačna jeści!
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary