Sud admoviŭ chatniaj haspadyni z Homiela ŭ pazovie da «darmajedskaj» kamisii
Siońnia sud Čyhunačnaha rajona Homiela pryniaŭ rašeńnie pa spravie chatniaj haspadyni Maryi Tarasienka suprać kamisii, jakaja pryraŭniała hamialčanku da darmajedaŭ. Žančynie admovili ŭ pazovie, pišuć finance.tut.by.
Sud Čyhunačnaha rajona admoviŭ Maryi Tarasienka u jaje patrabavańniach.
Pazoŭ ab kampiensacyi maralnaj škody chatniaja haspadynia adrasavała da kamisii pa sadziejničańni zaniataści nasielnictva Čyhunačnaha rajona Homiela i Kamiteta pa pracy, zaniataści i sacabaronie. Paźniej sud dadaŭ da suadkaźnika administracyju rajona i finansavyja ŭpraŭleńni horada i vobłaści. Svoj pazoŭ žančyna acaniła ŭ adnu tysiaču rubloŭ.
Hadoŭ 10 tamu Maryja zvolniłasia z pracy i stała chatniaj haspadyniaj. 15 studzienia na jaje mabilny patelefanavała majstar z domakiraŭnictva i spytała, ci pracaŭładkavałasia jana. A zatym paviedamiła, što z 1 studzienia dla Maryi, bo jana ŭłaśnik kvatery i nie pracuje, pavyšajucca taryfy na padahreŭ vady. Maryja paličyła i žachnułasia - pierapłačvać pryjdziecca kala 100 rubloŭ, i heta jašče bieź ciapła i hazu!
Maryja vyrašyła davieści: da «asobaŭ, jakija nie ŭdzielničajuć u finansavańni dziaržvydatkaŭ» jaje pryličyli niezakonna.
Spačatku jana z dapamohaj jurystaŭ prafsajuza REP skłała skarhu ŭ harvykankam — u jakoj spasyłałasia na toje, što darmajedski dekret niekanstytucyjny. Pryjšoŭ adkaz, što davać acenku dekretam miascovyja ŭłady nie majuć prava. Tady Maryja padała skarhu ŭ sud. Adtul taksama pryjšła admova ŭ suviazi ź nie padviedamasnym dadzienaha pytańnia sudu.
Tady chatniaja haspadynia źviarnułasia ŭ sud, ale ŭžo ź inšym zajavaj — zapatrabavała kampiensacyi naniesienaj joj maralnaj škody.
Jurysty prafsajuzu REP Leanid Sudalenka i Andrej Stryžak, jakija pradstaŭlali ŭ sudzie intaresy Maryi, nastojvali, što chatniaja haspadynia nie pavinna być u darmajedskich śpisach i nie musić apłačvać žyroŭki pa kamiercyjnych cenach - jana choć i nie pracuje pa najmie, ale ŭdzielničaje ŭ ekanomicy krainy, bo vypłačvaje uskosnyja padatki pry pakupkach u kramie.
Kamientary