«Z vaśmi pasažyraŭ vadziciel vydaŭ bilet tolki adnamu»
«Prajechaŭ pryharadnym aŭtobusam na Hłyboččynie, — piša čytač «Našaj Nivy» Kastuś Šytal. — U vyniku ŭ aŭtapark i ŭ rajvykankam prylacieŭ zvarot:
«16 sakavika 2019 hoda ja jechaŭ aŭtobusam Pieradoły — Hłybokaje adpraŭleńniem ź vioski Pieradoły a 15:15. Pry pasadcy vadziciel spytaŭ u mianie: «Ci treba bilet?», namiakajučy na mahčymaść prajechać biez vydačy prajaznoha dakumienta — u vypadku čaho hrošy zabraŭ by sabie vadziciel.
Padčas ruchu ad Pieradołaŭ da Hłybokaha ja naziraŭ, ci vydaje vadziciel bilety pasažyram. U Padśvilli ŭ aŭtobus zajšli 2 pasažyry, na prypynku Śviły — 1, u Hvazdovie — 5. Z hetych vaśmi pasažyraŭ vadziciel vydaŭ bilet tolki adnoj pasažyrcy, jakaja jechała z Hvazdova ŭ Hłybokaje.
Proźvišča vadziciela ja nie viedaju, bo, nasupierak zakanadaŭstvu, jano nie było źmieščana ŭ sałonie aŭtobusa.
Liču, što pieravozka pasažyraŭ bieź biletaŭ z prysvojvańniem hrošaj vadzicielem stavić pad pahrozu pryharadnyja pieravozki. Pieravozčyk u takich umovach niedaatrymlivaje vyručku na maršrutach, jakija i tak nie majuć vialikich pasažyrapatokaŭ. A taksama kiraŭnictva aŭtaparka i miascovyja ŭłady nie majuć adekvatnaj statystyki pa pieravozkach, praz što mohuć prymacca nieapraŭdanyja rašeńni pra skaračeńnie maršrutaŭ — što ŭ svaju čarhu pahoršyć umovy transpartnaha złučeńnia ŭ sielskaj miascovaści.
Uličvajučy vyšejnapisanaje, prapanuju:
1. Arhanizavać kantrol biletaŭ na pryharadnych maršrutach, asabliva na rejsach ź sielskaj miascovaści ŭ h. Hłybokaje. Na maju dumku, varta pieryjadyčna pravodzić taki kantrol nie tolki na aŭtastancyi, a i pieryjadyčna na darozie na padychodach da horada, bo bolšaść pasažyraŭ vychodzić z aŭtobusa na prypynkach u horadzie, nie dajazdžajučy da aŭtastancyi.
2. Prymać miery dyscyplinarnaha spahnańnia da vadzicielaŭ, u jakich buduć u dalejšym vyjaŭlenyja fakty pravozu pasažyraŭ bieź biletaŭ i prysvojvańnia hrošaj».
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary