«З васьмі пасажыраў вадзіцель выдаў білет толькі аднаму»
«Праехаў прыгарадным аўтобусам на Глыбоччыне, — піша чытач «Нашай Нівы» Кастусь Шыталь. — У выніку ў аўтапарк і ў райвыканкам прыляцеў зварот:
«16 сакавіка 2019 года я ехаў аўтобусам Перадолы — Глыбокае адпраўленнем з вёскі Перадолы а 15:15. Пры пасадцы вадзіцель спытаў у мяне: «Ці трэба білет?», намякаючы на магчымасць праехаць без выдачы праязнога дакумента — у выпадку чаго грошы забраў бы сабе вадзіцель.
Падчас руху ад Перадолаў да Глыбокага я назіраў, ці выдае вадзіцель білеты пасажырам. У Падсвіллі ў аўтобус зайшлі 2 пасажыры, на прыпынку Свілы — 1, у Гваздове — 5. З гэтых васьмі пасажыраў вадзіцель выдаў білет толькі адной пасажырцы, якая ехала з Гваздова ў Глыбокае.
Прозвішча вадзіцеля я не ведаю, бо, насуперак заканадаўству, яно не было змешчана ў салоне аўтобуса.
Лічу, што перавозка пасажыраў без білетаў з прысвойваннем грошай вадзіцелем ставіць пад пагрозу прыгарадныя перавозкі. Перавозчык у такіх умовах недаатрымлівае выручку на маршрутах, якія і так не маюць вялікіх пасажырапатокаў. А таксама кіраўніцтва аўтапарка і мясцовыя ўлады не маюць адэкватнай статыстыкі па перавозках, праз што могуць прымацца неапраўданыя рашэнні пра скарачэнне маршрутаў — што ў сваю чаргу пагоршыць умовы транспартнага злучэння ў сельскай мясцовасці.
Улічваючы вышэйнапісанае, прапаную:
1. Арганізаваць кантроль білетаў на прыгарадных маршрутах, асабліва на рэйсах з сельскай мясцовасці ў г. Глыбокае. На маю думку, варта перыядычна праводзіць такі кантроль не толькі на аўтастанцыі, а і перыядычна на дарозе на падыходах да горада, бо большасць пасажыраў выходзіць з аўтобуса на прыпынках у горадзе, не даязджаючы да аўтастанцыі.
2. Прымаць меры дысцыплінарнага спагнання да вадзіцеляў, у якіх будуць у далейшым выяўленыя факты правозу пасажыраў без білетаў і прысвойвання грошай».
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары