Italjanski sienat pryniaŭ zakon ab mierach samaabarony, jaki dazvalaje stralać pa rabaŭnikach. Pra heta paviedamlaje Reuters.
Parłamient zaćvierdziŭ novyja praviły «zakonnaj samaabarony» 28 sakavika. Ciapier uładalnikaŭ pryvatnaj ułasnaści nielha budzie abvinavacić u nieapraŭdanym hvałcie, kali jany zmohuć dakazać, što stralba adbyłasia padčas niebiaśpiečnaj situacyi.
«Heta vydatny dzień dla italjancaŭ», - skazaŭ ministr unutranych spraŭ krainy Matea Salvini. «Narešcie, my kančatkova harantujem śviaty pryncyp nieabchodnaj abarony dla ludziej», — padkreśliŭ jon.
Akramia taho, pryniaty dakumient pavialičvaje turemnaje źniavoleńnie za kradziež z uzłomam i ŭzbrojenaje rabavańnie. Praciŭniki zakona kažuć pra ciažkaści jaho prymianieńnia i mahčymy rost nieapraŭdanaj stralby. Pa statystycy, u apošnija hady kolkaść hvałtoŭnych złačynstvaŭ u Italii źnižałasia.
Pryniaćcie zakona ab samaabaronie łabiravała partyja «Liha Poŭnačy», jakuju ŭznačalvaje Salvini. Partyja taksama padtrymlivaje antymihranckuju palityku.
Kamientary