Uzłamali sajt Biełteleradyjokampanii i apublikavali fejkavy ŭkaz Łukašenki pra padtrymku mihrantaŭ
Na sajcie Biełteleradyjokampanii apublikavali fejkavy ŭkaz Alaksandra Łukašenki «Ab srodkach padtrymki mihrantaŭ u pryhraničnych abłaściach RB». U abhruntavańni «dakumienta» havorycca, što heta «adkaz na apošniuju chvalu čarnaskurych biežancaŭ, jakaja zachlisnuła našu krainu».
Ukaz apublikavany ŭ raździele «Rekłamnyja naviny». U im havorycca, što pradprymalniki transpartnaj haliny pavinny pieradać svoj transpart dziaržaŭnym orhanam na praciahu 7 dzion z dnia pryzyvu.
Uładalniki damoŭ i kvater taksama abaviazany dać ich abłasnym orhanam ułady na praciahu 7 sutak z dnia pryzyvu, havorycca ŭ fejkavym dakumiencie.
Na sajcie pryvodzicca i abhruntavańnie takich žorstkich mier. «Pa słovach kiraŭnika administracyi prezidenta Dźmitryja Krutoha, hetyja pastanovy źjaŭlajucca adkazam na apošniuju chvalu čarnaskurych biežancaŭ, jakaja zachlisnuła našu krainu. Ukaz praduhledžvaje častkovuju rekvizicyju transpartnych srodkaŭ i žyłych pamiaškańniaŭ. My budziem trymać vas u kursie dalejšych krokaŭ u hetym pytańni», — havorycca na sajcie.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary
Nie čytajcie!