Fiederalny kancler Aŭstryi Siebaśćian Kurc raźličvaje na vizit Alaksandra Łukašenki ŭ Aŭstryju na praciahu nastupnaha paŭhodździa. Pra heta jon zajaviŭ siońnia na pieramovach z kiraŭnikom biełaruskaj dziaržavy, piša BiełTA.
«Ja vielmi rady tamu, što na praciahu nastupnaha paŭhodździa Vy, pa ŭsioj vierahodnaści, zmožacie naviedać Aŭstryju. I my takim čynam krok za krokam zmožam pahłyblać našy adnosiny», - skazaŭ Siebaśćian Kurc.
«Ja vielmi dobra siabie adčuvaju ŭ vašaj krainie. I mnie vielmi važna, kab Aŭstryja jak častka Jeŭrapiejskaha sajuza mahła vybudavać dobryja doŭhaterminovyja adnosiny z vašaj krainaj. Mnie zdajecca, što vy znajšli vielmi pazityŭny, pravilny šlach zbližeńnia ź JeC biez razryvu vašych partniorskich adnosin z Rasijaj. Na moj pohlad, hety padychod i značna bolš praduktyŭny, čym padychod «abo, abo», jaki moža syhrać admoŭnuju rolu. Heta tyčycca nie tolki vašaj krainy, ale i inšych krain u rehijonie», - zajaviŭ fiederalny kancler.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary