Jak stała viadoma «Našaj Nivie», u sakaviku hałoŭnym śpiecyjalistam upraŭleńnia ideałohii Administracyi prezidenta staŭ historyk Alaksandr Kanojka.
Čytajcie taksama: U Administracyi prezidenta novy hałoŭny ideołah — byłaja redaktarka «Viačerniaha Minska» i «Minskaj praŭdy»
Dahetul Kanojka byŭ namieśnikam dekana Biełaruskaha dziaržaŭnaha piedahahičnaha ŭniviersiteta imia Maksima Tanka, dacentam kafiedry ahulnaj historyi i mietodyki vykładańnia historyi.
Pachodzić jon z Kličava. Vučyŭsia ŭ BDPU na historyka, letaś skončyŭ jašče i Akademiju kiravańnia. Jon čytaje lekcyi pa archieałohii Biełarusi, a taksama pa krajaznaŭstvie.
Tema kandydackaj dysiertacyi — «Rola transpartu ŭ ekanamičnym raźvićci Biełarusi (1772—1914 hh.)» (abaraniaŭsia pa-biełarusku).
Kanojka piša i doktarskuju dysiertacyju — «Ekanamičnyja faktary farmavańnia industryjalnaha hramadstva ŭ Biełarusi ŭ kancy 18-ha — pačatku 20-ha stahodździa».
Razam z hetym Kanojka — aktyvist «Biełaj Rusi», uznačalvaŭ univiersiteckuju filiju.
Admietny fakt, što biełaruskaja mova vyhladaje dla Kanojki bazavaj kaštoŭnaściu — jon karystajecca joj u fejsbuku nie ŭ niejkich kanjukturnych abmierkavańniach, a dla taho, kab apisvać važnyja padziei ŭłasnaha žyćcia.
U pryvatnaści, pa-biełarusku jon napisaŭ pra toje, što jaho syn Iłaryjon pajšoŭ u škołu.
Biełaruskuju movu Kanojka vykarystoŭvaje rehularna. Vyhladaje, što abjekt jahonaha prafiesijnaha natchnieńnia — historyk Ihar Marzaluk.
***
Abnoŭlena. U pieršapačatkovaj viersii my dapuścili pamyłku, napisaŭšy, što Kanojka — namieśnik Špileŭskaj.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak38
Kamientary