U Radzie biaśpieki Uciuryn adkazvaŭ za milicyju, časta sustrakaŭsia z Šunievičam i Karajevym
Tradycyjna skłałasia, što namieśniki dziaržaŭnaha sakratara Rady biaśpieki pradstaŭlajuć roznyja siłavyja błoki: milicyju, armiju i KDB. Heta było zroblena dla taho, kab uraŭnavažyć upłyvy roznych siłaŭ na pryniaćcie rašeńniaŭ.
Ministerstva abarony ŭ Radzie biaśpieki pradstaŭlaje hienierał-major Michaił Puzikaŭ, jaki doŭhi čas byŭ namieśnikam ministra abarony.
Ad KDB — Uładzimir Arčakaŭ. Da pryznačeńnia ŭ Radu biaśpieki Arčakaŭ uznačalvaŭ Viciebskaje abłasnoje ŭpraŭleńnie KDB. Darečy, mienavita Arčakaŭ — adzin z aŭtaraŭ kancepcyi infarmacyjnaj biaśpieki Biełarusi, jakaja zusim niadaŭna była na paradku dnia.
U śfieru adkaznaści Andreja Uciuryna ŭvachodziła Ministerstva ŭnutranych spravaŭ.
Darečy, cikavy fakt: kali pahladzieć bijahrafii dziaržsakratara Rady biaśpieki (Stanisłava Zasia), a taksama troch jahonych namieśnikaŭ, to vyśvietlicca, što ŭ Biełarusi naradziŭsia tolki Michaił Puzikaŭ.
Uciuryn vučyŭsia akurat u milicejskich navučalnych ustanovach (Sarataŭskaje vyšejšaje vajskova-kamandnaje vučylišča MUS Rasii i Akademija MUS Biełarusi). Niadoŭhi čas da prychodu ŭ Słužbu achovy Łukašenki Uciuryn papracavaŭ u orhanach milicyi.
Pahladzim taksama na tyja mierapryjemstvy, dzie prysutničaŭ Uciuryn. Jon biare ŭdzieł u vynikovych kalehijach MUS za hod, byŭ na sumiesnych treniroŭkach biełaruskaha i kitajskaha śpiecnazaŭ unutranych vojskaŭ, na naradach MUS pa supraćdziejańni raspaŭsiudu narkotykaŭ, vinšavaŭ atrady milicyi asablivaha pryznačeńnia (śpiecnazy) z 30-hodździem, uručaŭ uznaharodu ad imia Rady biaśpieki načalniku AMAPa Minharvykankama Dźmitryju Bałabie, mieŭ ciesnyja kantakty ź ministram Iharam Šunievičam pa linii BFSA «Dynama».
Łahična, što va Uciuryna vielmi častymi byli kantakty ź ministram unutranych spravaŭ Iharam Šunievičam i kiraŭnikom unutranych vojskaŭ Juryjem Karajevym.
Adznačym, što kryminalnuju spravu ŭ adnosinach Uciuryna rasśleduje KDB.
Čytajcie:
KDB aryštavaŭ Andreja Uciuryna — namieśnika staršyni Rady biaśpieki, byłoha načalnika słužby achovy Łukašenki
Piać faktaŭ pra Andreja Uciuryna, jaki 7 hadoŭ kiravaŭ słužbaj achovy Łukašenki
KDB pra zatrymańnie Uciuryna: «Biez kamientaroŭ»
Što pisaŭ u tvitary syn Andreja Uciuryna paśla zatrymańnia baćki
Jak vyhladaje katedž u Drazdach, jaki naležyć aryštavanamu Andreju Uciurynu
KDB nie paškadavaŭ navat kvateru Uciurynych, pabudavanuju ź ilhotnym kredytam i aformlenuju na žonku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary