U Ryzie čakali, što kiraŭnik Biełarusi naviedaje Łatviju ŭ mai 2019 hoda, piša Radyjo Svaboda.
Mienavita z ulikam hetaha terminu i viałasia padrychtoŭka da vizitu. Adnak ciapier vizit Alaksandra Łukašenki adkładajecca na niavyznačany termin, imavierna tamu, što ciapierašniamu prezidentu Łatvii zastałosia pracavać niašmat času, paviedamiŭ łatvijski telekanał TV3 u papularnaj prahramie «Hičoha asabistaha».
«Pytańnie, viadoma, taksama ŭ tym, što adbyvajecca z našymi ŭłasnymi prezidenckimi vybarami, jakija adbuducca naprykancy maja i červienia. I tamu ja nie mahu skazać, kali hety vizit moža adbycca», — adznačaje ministr zamiežnych spraŭ Łatvii Edhars Rynkievičs.
Pieršy tur vybaraŭ zapłanavany ŭ Siejmie Łatvii na 29 maja. Vybary mohuć prachodzić u niekalki turaŭ — u 2015 hodzie hetych turaŭ było piać.
U sakaviku łatvijskija miedyi paviedamlali, što pradstaŭniki abiedźviuch dziaržavaŭ śpiašajucca pravieści aficyjny vizyt Łukašenki da zaviaršeńnia prezidenckich paŭnamoctvaŭ Rajmandasa Viejonisa.
Prezidenta Łatvii abiraje parłamient. Pavodle miascovych ekśpiertaŭ, jon «praktyčna nie maje šancaŭ pieraabracca. A nastupny prezydent łatvijskaj dziaržavy, mahčyma, budzie inakš nastrojeny da kiraŭnika Biełarusi».
Ambasadar Biełarusi ŭ Łatvii Vasil Markovič tady ž paćvierdziŭ, što vizit rychtujecca, baki pracujuć nad ekanamičnym składnikam budučych pieramovaŭ.
Biełaruś źjaŭlajecca druhoj pa vieličyni krynicaj tranzytu ŭ łatvijskija party. Na praciahu mnohich hadoŭ vialisia pieramovy ab nabyćci naftavaha terminała ŭ Ventśpiłsie abo Ryzie. Adnak da hetaha času jany nie prynieśli stanoŭčaha vyniku.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku9
Kamientary