U mahiloŭskuju milicyju pastupiła zajava ad 18-hadovaha navučenca adnaho z prafiesijna-techničnych kaledžaŭ horada. U jaho źnikła barsietka z załatym łancužkom, 20 rublami, a taksama 2 bankaŭskimi kartami, paviedamlaje abłasnaja milicyja.
Da taho, jak chłopiec zhubiŭ barsietku, jon mieŭ kanflikt z 29-hadovym pryjacielem.
Mužčyny vyśviatlali adnosiny ŭ lasnoj zonie kala doma pa vulicy Kryvulina, a paśla starejšy tavaryš pasprabavaŭ vyśvietlić chto macniejšy «na kułakach». Małady čałaviek, jaki nie chacieŭ bicca, uciok, a praź niekatory čas uspomniŭ, što pakinuŭ na miescy zdareńnia sumku. Viarnuŭšysia nazad, jon užo nie znajšoŭ ni sumki, ni pryjaciela. Čužuju majomaść zabraŭ jaho ahresiŭny pryjaciel, vyrašyŭšy takim čynam «kampiensavać» uron ad bojki, jakaja nie adbyłasia.
Vykradzienaje častkova kanfiskavana. Ciapier mužčynie pahražaje za kradziež pakarańnie až da pazbaŭleńnia voli na termin da troch hadoŭ.
Kali Kanapackaja stała całkam padkantrolnaja Łukašenku?13
Kamientary