Łukašenka pra MUS i cyhan: Nie treba buldozieram pierci na ŭsio, što pierad taboj. Treba było vybačycca
Alaksandr Łukašenka padkreśliŭ siońnia važnaść spraviadlivaha staŭleńnia da ludziej, asabliva z boku supracoŭnikaŭ pravaachoŭnych orhanaŭ. Pra heta jon zajaviŭ siońnia, pryznačajučy Juryja Karajeva na pasadu kiraŭnika MUS, piša BiełTA.
Kiraŭnik dziaržavy paraiŭ ministru być bližej da ludziej i niepasredna raźbiracca ŭ prablemach. «Nie treba, jak voś adbyłosia z cyhanami, — Natalla Ivanaŭna (Kačanava) jeździła, raźbirałasia pa maim daručeńni. Abražali ludziej ni za što. Dyk treba było vybačycca», — skazaŭ jon.
Jon adznačyŭ, što kali zafiksavana niejkaje pravaparušeńnie abo złačynstva, to ŭ pieršuju čarhu adpracoŭvajucca asoby, jakija raniej ździajśniali padobnaje. «Kali vy dzieści parušali, jość śpis. U kožnaha adździeła milicyi jość śpis», — rastłumačyŭ Alaksandr Łukašenka. Bolš za toje, u vypadku sa śmierciu supracoŭnika pravaachoŭnych orhanaŭ u Mahilovie padazreńnie pieršapačatkova pa jaho ž navodcy pała na kankretnuju hrupu hramadzian.
«Pierabrali. Ubačyli, što jany nie vinavatyja. Dyk idzicie i prosta paprasicie ŭ ich prabačeńnia, — skazaŭ Alaksandr Łukašenka. — I ludzi zrazumiejuć. Nie treba płuham ci buldozieram pierci na ŭsio, što pierad taboj. Niedzie treba i akuratniej, dzieści abjechać. A nie atrymałasia — vybačajsia».
«Treba razumna. Nie treba ludziej ličyć svaimi vorahami: ach, tam voś hetyja cyhany, jany takija i hetkija… Narmalnyja jany ludzi. Što, siarod biełarusaŭ, ruskich, habrejaŭ ci palakaŭ u nas tut niama złačynstvaŭ? Dy chapaje! Spraviadlivaść pavinna lažać u asnovie ŭsiaho, asabliva ŭ tych, chto nosić pahony. Bo da ludziej u pahonach biahuć pa abaronu. Narod biažyć, kab ich abaranili. A kali ty jaho adpichvaješ i kryŭdziš, heta vielmi balić čałavieku», — reziumavaŭ Łukašenka.
Šunievič: U mianie niama ni nahody, ni padstavaŭ vybačacca pierad cyhanami
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary