Mienš čym za sutki biełaruska zrabiła 170 tysiač krokaŭ — chadziła pa stadyjonie kala doma
Ci heta ŭvohule mahčyma? Dla Volhi — tak. Ale prostym śmiarotnym lepš nie paŭtarać.
Minčanka Volha Varabjova pachvaliłasia ŭ Threads, što kinuła vyklik sama sabie. Jaje metaj było za dzień zrabić 170 tysiač krokaŭ: «Pieršapačatkova ja nastrojvałasia na 24 hadziny bieśpierapynnaj chady, ale moj temp uziaŭ svajo: ja ŭkłałasia ŭsiaho ŭ 23 hadziny i 6 chvilin!».
Volha spaliła amal 7 tysiač kałoryj. Kali vam cikava, kolki heta ŭ kiłamietrach, dyk viedajcie: 133,23 kiłamietra.
I, što samaje dziŭnaje, chadziła žančyna na zvyčajnym školnym stadyjonie! Tolki zredku adychodziła ŭ prybiralniu ci kramu.
Kamientatary pytajucca, navošta było chadzić kruhami pa stadyjonie, kali možna było b pałovu Minska abyści. Ale Volha tłumačyć: heta było b bolš składana, bo ź joj byŭ davoli ciažki zaplečnik (a ŭ im zapasnoje adzieńnie, ježa, vada, leki).
Kali b jana chadziła pa stalicy, treba było b usio heta ciahnuć na śpinie. A tak atrymałasia prosta pakłaści na stadyjonie i nie chvalavacca za rečy.
Kaniečnie, dla zvyčajnaha čałavieka heta nierealnaja nahruzka. Ale Volha — daloka nie zvyčajnaja žančyna. Jana prafiesijna zajmajecca bieham i rehularna ŭdzielničaje ŭ sutačnych zabiehach.
Letaś Volha pastaviła nacyjanalny rekord pa biehu na biehavoj darožcy — praviała tam 24 hadziny i prabiehła 172 kiłamietry. Marafon jana prabiahaje za 3 hadziny 47 chvilin.
A jašče letaś žančyna pieramahła ŭ mižnarodnym ultramarafonie «Samavyznačeńnie», jaki zaviaršyŭsia ŭ Maskvie. Za šeść sutak biełaruskaja biahuńnia pieraadoleła 601 kiłamietr — u siarednim pa 100 kiłamietraŭ u dzień.
Ale choča pierabić suśvietny rekord Iryny Masanavaj, jakaja za šeść sutak prabiehła 832,5 kiłamietra.
Što tyčycca novaha ekśpierymientu, Volha kaža, što pryčyn dla takoha čelendžu ŭ jaje było niekalki. Pieršaja — letam jana časta čuła, jak ludzi abmiarkoŭvali, ci realna zrabić 150 tysiač krokaŭ za sutki. Stała cikava pasprabavać, ale płanku abrała vyšejšuju.
Druhaja — biahucha chacieła adčuć roźnicu pamiž uražańniami paśla sutak biehu i sutak chadźby. Nu i treciaja — napieradzie ŭ Volhi dva sutačnyja zabiehi, to heta padrychtoŭka da ich.
71‑hadovy biahun praciahnuŭ špica pa ziamli padčas zabiehu. Da mužčyny pryjšła milicyja
Prafiesijnyja spartsmieny padsieli na višni i višniovyja napoi. Što heta daje?
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča
«Lažaŭ mocna paciarpieły čałaviek». Padčas viełamarafonu na Paleśsi kala 10 čałaviek atrymali traŭmy
Ciapier čytajuć
U Bychavie pastavili vyrodlivy pomnik žančynie. Razam sa skulpturaj u Kaściukovičach jon moža stać simvałam kulturnaj dehradacyi Biełarusi pry Łukašenku37
Kamientary
Ja vot jeśli biehaju, to tolko za pivom v mahaz, ja ž nie durak prosto tak biehať. Obratno biehu užie s otiahoŝienijem. Mohu vam sostaviť prohrammu trienirovok.