Dzicia paviedamiła, što jano homaseksualnaje. Jak reahavać baćkam, jakija ličać heta trahiedyjaj?

Situacyja: dzicia paviedamiła, što jano homaseksualnaje, ale dla vas heta nieprymalna. Vam składana apisać usiu sukupnaść emocyj, jakija vy adčuvajecie. Vas napaŭniaje smutak, vy nie razumiejecie, jak heta zdaryłasia i jak ciapier z hetym žyć.

Pavialičyć

«Što skažuć našy znajomyja, siabry? Ci jość nadzieja, što ŭ jaho/iaje kali-niebudź budzie siamja, a ŭ nas — unuki? I naohuł, kim jon stanie ŭ žyćci, jak usio heta paŭpłyvaje na jaho budučyniu? My ŭkłali ŭ jaho ŭsie svaje siły, a jon tak pastupaje z nami! Ci, moža, heta my va ŭsim vinavatyja? Dzie byli dapuščanyja hetyja pamyłki, jak ciapier heta možna papravić?».

Takija dumki mohuć uźniknuć u baćkoŭ, nie hatovych da hetaha. Najbolš charakternyja reakcyi:

— adrynuć dzicia,

— sprabavać jaho lačyć,

— sprabavać całkam kantralavać,

— spakojna-abyjakavaja reakcyja.

Baćkoŭskaje razumieńnie i imknieńnie razabracca ŭ prablemach ŭłasnaha dziciaci, dapamahčy jamu — reakcyja najbolš redkaja. Ale mienavita jana pravilnaja.

Pavialičyć

Jak siabie vieści?

Pryniać situacyju. Pierš za ŭsio, treba stabilizavać svoj stan. Heta važna prosta tamu, što znachodzicca ŭ im doŭha — niebiaśpiečna dla zdaroŭja. Toje, što adbyvajecca, narmalna. Kab pryniać heta, nieabchodny peŭny čas. Ale heta fakt, i jak ni starajsia, jaho nie źmianić.

Admovicca ad kantrolu. Vybar — heta jaho prava, jak by vas heta ni aburała. Vy možacie sprabavać danieści svaju niazhodu, apisvać mahčymyja nastupstvy, ale zabaranić — nie ŭ vašaj uładzie.

Pieraadoleć smutak. Vam moža zdavacca, što heta niespraviadliva. Pracujcie nad tym, kab pryniać situacyju i vyvučyć pytańnie. 

Vyvučyć pytańnie. Vam treba budzie šmat daviedacca pra homaseksualnyja adnosiny. Heta nieabchodna, kab zrazumieć, što adčuvaje dzicia. Mahčyma, vy znojdziecie adkazy i na niekatoryja svaje «čamu?».

Pieramahčy pačućcio viny. Jano moža pačać raździrać vas, kali vy budziecie šukać svaje pamyłki, ale nielha dazvolić jamu vas razdušyć. Pačućcio viny niebiaśpiečnaje dla fizičnaha i psichičnaha zdaroŭja. Pamiatajcie, što homaseksuałami nie stanoviacca vyklučna praz pamyłki baćkoŭ.

Ustalujcie kantakt. Ciapier samaje važnaje. Praanalizavaŭšy situacyju, treba pastaracca ŭstalavać kantakt ź dziciem. Pahavarycie ź im, patłumačcie, što vy chočacie jaho zrazumieć. Usio, što dzicia vam skaža, moža dapamahčy zrazumieć situacyju.

Paprasicie prabačeńnia. Varta paprasić prabačeńnia za ŭsio, u čym vy nie mieli racyju. Chutčej za ŭsio, dzicia daruje i pojdzie nasustrač, kali vy budziecie ź im ščyryja. Vam pryjdziecca pryznać, što dzieci nie abaviazany adpaviadać vašym čakańniam.

Daviedajciesia pra siabroŭ. Varta raspytać pra siabroŭ dziciaci, zrazumieć, što jaho ŭ ich pryciahvaje. Nie treba vinavacić siabroŭ! Heta nie jany kiepska ŭpłyvajuć na vaša dzicia, prosta vaša dzicia choča ź imi siabravać. U vas moža ŭźniknuć žadańnie pamianiać jamu asiarodździe, pasprabavać «adsunuć» prablemu. Naŭrad ci heta dapamoža.

Vy možacie padzialicca svaimi pieražyvańniami ź blizkimi siabrami, jakim daviarajecie. Nie treba bajacca, što «ŭsie pra ŭsio daviedajucca». Strach adymaje siły, a pa sutnaści jon źjaŭlajecca pustym. 

Lubicie. Nielha adšturchoŭvać svajo dzicia! Jamu nieabchodna viedać, što vy lubicie jaho biezumoŭnaj baćkoŭskaj luboŭju. Treba kazać jamu pra heta. 

Homaseksuały, asabliva ŭ padletkavym uzroście, časta i tak mocna adčuvajuć vinu. Nie treba hetaje pačućcio ŭskładniać.

Pavialičyć

Nielha:

— asudžać i svarycca,

— raspaviadać inšym, kab paŭździejničać na dzicia,

— rabić vyhlad, što ničoha nie zaŭvažajecie,

— ihnaravać, vystaŭlać z doma, adrakacca,

— sprabavać vypravić hvałtoŭna.

Pamiatajcie, što vam niepaduładny vybar vašych blizkich — tolki reakcyja na ich vybar. Vy nie možacie być vinavatyja ŭ tym, nad čym nie majecie kantrolu. A ŭ vas nie moža być kantrolu nad žyćciovym vybaram vašych darosłych dziaciej.

• 0
• 0
• 0
• 0
• 0
• 0
• 0
• 0