Hety rabočy z Mahilova vyjhraŭ u łatareju $1,9 miljona FOTA

Znajšoŭsia ščaśliŭčyk, jaki sarvaŭ džekpot amal 4 miljony rubloŭ. Bujnuju sumu vyjhraŭ žychar Mahilova Alaksandr, piša Tut.by

Pavialičyć

Jon hulaje ŭ łatarei krychu bolš za 5 hadoŭ. Da hetaha byli nievialikija vyjhryšy, «jakija akuplali tolki bilety».

— Paśla viartańnia z pracy, ja adpracavaŭ druhuju źmienu, pryjechaŭ dadomu, vyrašyŭ pravieryć staŭki. Pačaŭ praviarać na aficyjnym sajcie, pravieryŭ dva ček-prahnozy, jany byli biazvyjhryšnyja. Pačaŭ praviarać treci. Ubačyŭ, što džekpot razyhrany, i padumaŭ, što kamuści pašancavała, — raspaviadaje Alaksandr. — Ja padumaŭ, što pieršyja try liki i ŭ mianie sychodziacca. Čaćviorty taksama. Paśla čaho serca zabiłasia čaściej. Piaty i šosty numary taksama syšlisia. Potym pierapravieryŭ jašče raz i zrazumieŭ, što heta ja. Pieršaje, što ja zrabiŭ, heta abniaŭ hałavu abiedźviuma rukami, a potym zakryŭ rot abiedźviuma rukami, kab nie zakryčać ad ščaścia. Usio spyniłasia ŭnutry.

Charakterna, što mahiloviec vyjhraŭ u łatareju ŭ svoj dzień naradžeńnia. Na 6 červienia Alaksandr zrabiŭ 5 ček-prahnozaŭ.

Mužčyna raspaviadaje, što niekatoruju častku hrošaj patracić na palapšeńnie žyllovych umoŭ i na toje, kab papravić zdaroŭje. Mahiloviec taksama maje namier dapamahčy tym ludziam, «jakija znachodziacca ŭ bolš składanaj žyćciovaj situacyi, čym znachodžusia i znachodziŭsia ja». Asnoŭnuju častku hrošaj Alaksandr maje namier kudy-niebudź ŭkłaści, kab «jany pracavali».

U Alaksandra rabočaja prafiesija. Pakidać pracu paśla vyjhryšu ŭ łatareju jon nie płanuje.

— Mahčyma, z časam źmianiu pracu, ale ciapier takija imhniennyja nieabdumanyja rašeńni ja prymać nie budu.

Alaksandr tłumačyć, što vyrašyŭ raspavieści hramadskaści ab svaim vyjhryšy dla taho, kab pakazać, što džekpot sapraŭdy vyjhrali i jaho ŭładalnikam staŭ realny hulec. «Va ŭsich łatarejach ludzi zaŭsiody šukajuć niejki padvoch», — kaža pieramožca.

Alaksandr spadziajecca, što hramadstva z razumieńniem pastavicca da jaho vyjhryšu i «nie budzie zadavać lišnich pytańniaŭ».

Nahadajem, u rozyhryšy 6 červienia pieramahła adna staŭka. Hulcu ŭdałosia adhadać 6 z 6. Džekpot skłaŭ 3 973 635 rubloŭ. Ščaślivymi byli 16, 27, 11, 32, 9, 41.

U Biełarusi vyjhryšy ŭ elektronnych interaktyŭnych hulniach nie abkładajucca padatkami. Heta značyć rekordny vyjhryš budzie całkam vypłačanaja pieramožcu.

• 0
• 0
• 0
• 0
• 0
• 0
• 0
• 0