Seksołahi raspaviali, jakoj musić być badzioraja ranica

Vyłučyć čas na ranišni seks byvaje niaprosta: nam zaŭsiody chočacca paspać trošku daŭžej, adciahnuć toj momant, kali treba budzie pačynać aktyŭna ruchacca, piša Politeka. Seksołahi patłumačyli, čamu ranišni seks — heta vydatna.

Seks ranicaj patrebny, kab:

Raznastaić rucinu. Seksołahi ŭ adzin hołas paŭtarajuć: kab raznastaić seksualnaje žyćcio ŭ praciahłych stasunkach, zusim nie abaviazkova vydumlać štości «zvyš». Niekatorym partnioram dastatkova prosta źmianić čas dla zaniatkaŭ kachańniem. Skažam, kali vy z partnioram pryvykli zajmacca seksam pa viečarach i heta ŭžo stała štodzionnaściu dla vas, varta pasprabavać pieranieści seks na ranicu. A kali razam z hetym źmianić zvykłyja dekaracyi spalni i pieranieścisia, skažam, na kuchniu ci ŭ vannuju, heta harantavana zrobić seks zapaminalnym i daść adčuvańnie navizny.

Uźniać nastroj na ŭvieś dzień. Dobry seks ranicaj moža nie tolki zabiaśpiečyć vas dobrym nastrojem na ceły dzień, ale i zrabić bolš zasiarodžanymi na pracy i stresaŭstojlivymi na praciahu dnia. Jak pakazvajuć daśledavańni, ranišni seks dapamahaje spravicca ź mihreńniu i drennym samaadčuvańniem, pakolki ŭ kroŭ vykidvajecca vialikaja kolkaść endarfinaŭ, jakija dazvalajuć uvieś dzień adčuvać siabie dobra i spakojna.

Pik mužčynskaj pałavoj aktyŭnaści. U hety čas kolkaść testasteronu ŭ kryvi ŭ mužčyny dasiahaje samaj vysokaj adznaki za sutki, a heta značyć, što nie tolki jaho žadańnie budzie bolš mocnym, a jašče i erekcyja budzie macniejšaj. Navukoŭcy schilnyja mierkavać, što prykładna ŭ vosiem hadzin ranicy bijałahičnyja rytmy mužčyny i žančyny maksimalna supadajuć. U hety čas jana pačynaje ŭzbudžacca, a ŭ jaho jašče nie paśpieła źnizicca žadańnie.

Padvyšanaja adčuvalnaść. Pa ranicach adčuvalnaje paśla snu cieła bolš usprymalnaje da miłoščaŭ. Da taho ž ranišni seks moža być na ruku dziaŭčatam, jakija zvyčajna majuć ciažkaści z tym, kab fizična rassłabicca padčas blizkaści. Plus da ŭsiaho ranišni seks — heta bolš intymny dla partnioraŭ praces. Paśla snu, jašče nie paśpieŭšy atrymać svaju porcyju stresu za ŭvieś dzień, my padajemsia samim sabie bolš uraźlivymi.

Možna sumiaścić z pryniaćciem duša. Sumiaścić pryjemnaje z karysnym — heta samaje prostaje, što možna zrabić z ranišnim seksam. Mnohich turbuje prablema patlivaści ŭ śnie ci niaśviežaha dychańnia z ranicy. Heta časam stanovicca pieraškodaj na šlachu da ranišniaj asałody. Kab nie pazbaŭlać siabie mahčymaści zaniacca seksam ranicaj, dastatkova pieramiaścicca ŭ vanny pakoj.

• 0
• 0
• 0
• 0
• 0
• 0
• 0
• 0