Kali ja pryznaŭsia ŭ svajoj aryjentacyi, mnie stała lahčej, nie treba vieści padvojnaje žyćcio. Ale i kryčać pra heta ja nie źbirajusia, — kaža redaktar sajtu gay.by Alaksandr Pałujan.
Kali ja pryznaŭsia ŭ svajoj aryjentacyi, mnie stała lahčej, nie treba vieści padvojnaje žyćcio. Ale i kryčać pra heta ja nie źbirajusia, — kaža redaktar sajtu gay.by Alaksandr Pałujan.
Mazyrski vajenkamat niekalki tydniaŭ tamu daŭ jamu adterminoŭku ad słužby praź jahonuju homasieksualnaść. Heta pieršy taki vypadak u Biełarusi. Mienavita hetaja navina i stała nahodaj dla hutarki pra ahulnaje stanovišča sieks-mienšaściaŭ u Biełarusi.
Alaksandr Pałujan: Naša vojska, jak i hramadstva, nie hatovaje pryniać hiejaŭ. Ja b nie zmahaŭsia suprać pryzyvu, kali b viedaŭ, što da mianie tam budzie narmalnaje staŭleńnie. Ale ŭpeŭnieny, što ŭ vojsku buduć i ździeki, i žartački, tym bolš ciapier, kali ŭsie viedajuć, što ja hiej. Heta faktyčna padpisany samomu sabie prysud.
«Naša Niva»: Jak by Vy ŭvohule acanili stan sieks-mienšaściaŭ u Biełarusi na siońnia?
AP: Ciažkoje stanovišča. Sieks-mienšaściaŭ nie prymaje ni hramadstva, ni ŭłada, ni apazicyja. Znajści tuju hrupu ludziej, jakaja b narmalna stavilisia da hiejaŭ, leśbijanak i tranśsieksuałaŭ, składana. Treci siektar [niezaležnyja hramadskija arhanizacyi — Red.] hatovy da supracoŭnictva, ułady maŭčać, niekatoryja apazicyjaniery ž vykazvajucca rezka admoŭna.
Adna tolki Partyja zialonych hatovaja stvaryć kamitet pa abaronie pravoŭ sieks-mienšaściaŭ.
«NN»: Kali paraŭnoŭvać z susiednimi dziaržavami, to dzie stanovišča lepšaje?
AP: Kali paraŭnoŭvać z Rasijaj, to tam cisk z boku ŭłady navat bolšy — zabaraniajuć usio, ładziać abłavy na zabaŭlalnyja ŭstanovy, dzie źbirajucca homasieksuały, nie dazvalajuć parady. Kali brać Ukrainu, to tam situacyja bolš-mienš narmalnaja. Stvarajucca i rehistrujucca arhanizacyi, pravodziacca adukacyjnyja i infarmacyjnyja mierapryjemstvy.
«NN»: Što moža zrabić dziaržava dla palapšeńnia ŭmovaŭ žyćcia homasieksualistaŭ?
AP: Prosta adukoŭvać ludziej. Raskazać im, jaki sapraŭdny ład žyćcia viaduć hiei. Davać ludziam infarmacyju, chto takija hiei. Treba prymać niejkija prahramy ŭ Ministerstvie adukacyi. U Biełarusi ž całkam adsutničaje sieksualnaje vychavańnie.
«NN»: A heta nie budzie prapahandaj homasieksualizmu?
AP: Čamu prapahandaj?
My ž nie kažam, što hiejem być kłasna. My prosta havorym pra toje, što jość takija ludzi i da ich patrebnaje humannaje staŭleńnie.
«NN»: Dyk ź jakimi kankretnymi bytavymi prablemami sutykajucca homasieksualisty ŭ Biełarusi?
AP: Ludzi robiacca zakrytymi. Jany bajacca skazać pra svaju homasieksualnaść. Naprykład, ja viedaju nie bolš za piać čałaviek u našaj krainie, jakija b adkryta zajavili, što jany hiei ci leśbijanki. Tranśsieksuały ž całkam mianiajuć svoj ład žyćcia — jany mianiajuć pracu, koła znajomych, pierajazdžajuć žyć na inšaje miesca. Kali pryznaješsia niekamu, što ty hiej, to staŭleńnie ludziej dosyć nieadekvatnaje, a časam ahresiŭnaje.
«NN»: Dyk naša hramadstva hamafobskaje?
AP: Voś niadaŭna radyjo TUT.BY pravodziła apytańnie na hetuju temu. Dyk bolšaść vodhukaŭ, jakija pajšli ŭ efir, byli kštałtu taho, što kožny maje prava na svajo pryvatnaje žyćcio. Razam z tym, jość i inšyja momanty. Niekatoryja kažuć, što my chvoryja. Pracuje stereatypnaje myśleńnie. Ludzi viedajuć, što hiej — heta kiepska, a voś u nas jość tradycyjnyja kaštoŭnaści. Dyk, prabačcie, my nie vystupajem suprać hetych kaštoŭnaściaŭ. My tolki kažam, što kožny čałaviek maje prava na svoj ład žyćcia i ŭłasnuju svabodu.
«NN»: Dyk a čamu hramadstva nie hatovaje pryniać sieks-mienšaściaŭ?
AP: Heta myśleńnie naviazvałasia nam dziesiacihodździami. U ludziej skłaŭsia niejki svoj pohlad na heta, i jany navat nie dumajuć jaho pamianiać, razabracca, chto takija hiei.
«NN»: Šmat chto kaža, što homasieksualizm supiarečyć chryścijanskim kaštoŭnaściam. Što Vy možacie adkazać na heta?
AP: U nas šmat idzie dyskusij pa hetym pytańni. Pačniem z taho, što Boh adziny dla ŭsich, i siarod viernikaŭ, upeŭnieny, taksama chapaje homasieksuałaŭ. Prosta kazać, što ŭsie hiei — sadamity, pa mienšaj miery, niekarektna.
Boh stvaryŭ usich, u tym liku homasieksualistaŭ.My nie sami siabie prydumali, to bok niemahčyma zachacieć pabyć hiejem, a potym znoŭ stać hieterasieksuałam.
Heta pryroda i nie zaležyć ad čałavieka.
«NN»: Dyk značyć, hiejami naradžajucca, a nie stanoviacca?
AP: Ja liču, što naradžajucca. Nu jak ty stanieš hiejem? Ludzi z padletkavaha ŭzrostu (12—14 hadoŭ) pačynajuć zadumvacca ab svajoj sieksualnaj aryjentacyi. Zaŭvažajuć, što im padabajucca ludzi taho ž połu. Pastupova heta raźvivajecca. Niekatoryja prychodziać da hetaha ŭ tryccać hadoŭ. U ich mohuć być siamja, dzieci, ale jany prychodziać da vysnovy, što heta nie ichniaje. Kažuć, jość takaja tendencyja, što hiejem być modna — hłupstva heta. Niama niejkaha stereatypnaha hieja. Kožny indyvidualny. Apranajucca, viaduć svoj ład žyćcia absalutna pa-roznamu.
«NN»: A jakija ŭvohule najbolš raspaŭsiudžanyja stereatypy pra homasieksualistaŭ u našym hramadstvie?
AP: U pieršuju čarhu
dumajuć, što ŭsie hiei piedafiły. Poŭnaje hłupstva.Navat pavodle aficyjnaj statystyki kolkaść piedafiłaŭ u pracentnych suadnosinach siarod hieterasieksuałaŭ našmat bolšaja. Jašče ličać, što hiei padobnyja da dziaŭčat. Viedajecie, jość takija ludzi, ale ich adzinki. A to časam pakazvajuć, što niejki chłopiec uvieś u piorach i chodzić u takim vyhladzie pa vulicach. Hiei pracujuć pobač z vami, karystajucca hramadskim transpartam. Jany takija samyja ludzi, jak i inšyja.
«NN»: Kolki čałaviek na siońnia ŭvachodzić u vašu arhanizacyju?
AP: Kala dvaccaci. Zrešty, naša arhanizacyja dosyć svabodnaja. Heta inicyjatyŭnaja hrupa. Zdarajecca, što ludzi prychodziać ci sychodziać, ale ciakučka vielmi nievialikaja. Jość kaściak, jaki abmiarkoŭvaje, što zrabić, kudy źjeździć. My pačali pracavać ź ludźmi ź Viciebsku, Homielu. Bo treba, kab infarmacyju atrymlivali nie tolki ŭ Minsku.
«NN»: Dyk a jaki siońniašni siaredni hiej? Možacie adkazać?
AP: Kali davać ahulnuju charaktarystyku, to heta dosyć adukavany, volny čałaviek, jaki lubić mastactva.
«NN»: Značyć, zbolšaha hiei — tvorčyja asoby?
AP:
Nichto nie budzie admaŭlać, što šmat paetaŭ, mastakoŭ (ź viadomych — Čajkoŭski, Leanarda da Vinčy) byli hiejami. U toj ža čas my nie viedajem, kolki hiejaŭ pracuje, skažam, na MTZ. Moža, tam dakładna takaja ž kolkaść, jak i siarod intelihiencyi.Pavodle aficyjnaj statystyki, u śviecie 5—10% pracentaŭ homasieksualistaŭ. Što da Biełarusi, to niekatoryja mižnarodnyja krynicy davodziać, što ŭ nas 70 tysiač hiejaŭ.
«NN»: Što značyć u biełaruskim hramadstvie adkryta zajavić, što ty hiej?
AP: U niekatorych uźnikaje nieadekvatnaja reakcyja. Ja pryznaŭsia ŭ hetym — adny asudzili, inšyja skazali, što małajčyna: maŭlaŭ, nie spałochaŭsia reakcyi kaleh, siabroŭ, znajomych.
Kali ŭ mianie zapytajucca, ci hiej ja, adkažu, što tak. Kali pytacca nie buduć, to i kryčać pra heta ja nie źbirajusia. Kali ja pryznaŭsia ŭ svajoj aryjentacyi, mnie stała lahčej, nie treba vieści niejkaje padvojnaje žyćcio,jak robiać mnohija. Heta vielmi składana, bo ludzi žyvuć nie svaim žyćciom, a hrajuć roli.
«NN»: Kali Vy pryjšli da ŭśviedamleńnia, što Vy hiej?
AP: U padletkavym uzroście. Zaŭvažyŭ, što nie źviartaju ŭvahi na dziaŭčat, a hladžu na chłopcaŭ. Heta taksama było dla mianie składana. Ja nie staŭ z hetym zmahacca, jak robiać niekatoryja. Pryroda ŭsio adno voźmie svajo. Jak by ty ni chacieŭ źmianić siabie, to ŭsio adno nie ŭdasca. Ja pryniaŭ heta jak naležnaje.
«NN»: Siabry, znajomyja nie admovilisia ad kantaktaŭ z Vami?
AP: Blizkija siabry i kalehi viedajuć, što ja hiej. U pryncypie, u našych razmovach my imkniemsia nie zakranać hetyja temy. Nu tak, byli ludzi, jakija pisali sms-ki, što jany nie viedali i heta dla ich vialiki siurpryz, ale kab niechta admoviŭsia, to takoha niama.
«NN»: A jak baćki pastavilisia?
AP: Jany nie viedajuć. Chacia, moža, užo i daviedalisia, ale nijakaj reakcyi nie było.
«NN»: Ci mahčymy ŭ Biełarusi hiej-parad?
AP: Ideja jość. Ale navat unutry našaj inicyjatyvy da jaje staviacca pa-roznamu.
Hramadstva nie hatovaje da hiej-paradu.Razam z tym, padobnyja mierapryjemstvy stanoviacca tym momantam, kali ludzi daviedvajucca pra hiejaŭ. Pačynajecca abmierkavańnie temy. Usiamu svoj čas, u nas hety čas jašče nie pryjšoŭ.
«NN»: A jaki sens uvohule ŭ hiej-paradaŭ?
AP: Ludzi prosta dobra pravodziać čas. Pakazvajuć svaju pazicyju, zajaŭlajuć ab pravach. Kažuć, što roŭnyja z astatnimi. Navat tyja, chto nikoli nie cikaviŭsia hetaj temaj, pačynajuć samaadukoŭvacca.
«NN»: U Minsku jość miescy, dzie źbirajucca pradstaŭniki sieks-mienšaściaŭ?
AP: Jość, jak u kožnaj inšaj subhrupy, ale ja ich nie nazavu. Ale takoha adzinaha miesca, dzie my źbiralisia b uvieś čas, niama. Heta prosta niebiaśpiečna.
U nas chapaje hamafobaŭ, jakija hatovyja na mnohaje.Na naš sajt dosyć časta prychodziać raźjušanyja vodhuki. Ale fizičnaj raspravaj nie pahražali.
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki25
Kamientary