Mazyrčuk, prykidvajučysia dziaŭčynaj, vymańvaŭ hrošy ŭ svajho pryjaciela-invalida
Adnojčy 16-hadovy mazyrski chłopiec paprasiŭ svajho 21-hadovaha siabra paznajomić jaho ź dziaŭčynaj. Toj pahadziŭsia i skazaŭ, što praź niekalki dzion u internecie padletku napiša Ryta. Praŭda, udakładniŭ — dziaŭčyna budzie kamunikavać vyklučna ź jaho staronki. Usio skončyłasia padmanam, paviedamlaje milicyja.
Dziaŭčyna akazałasia vydumanym piersanažam — starejšy chłopiec prosta vymańvaŭ hrošy ŭ svajho siabra, chvoraha na ankałohiju.
Užo ŭ pieršym liście złamyśnik paprasiŭ 20 rubloŭ na padarunak maci. Dalej padobnyja sumy patrebnyja byli dla pajezdki na maršrutnym taksi i na kuplu lekaŭ. A adnojčy jon «pazyčyŭ» 150 rubloŭ na pahašeńnie zapazyčanaści pa kredycie.
«Hrošy dla Ryty» padletak zdymaŭ u bankamacie i pieradavaŭ ich u ruki siabru, a toj ich marnavaŭ na pradukty charčavańnia i cyharety.
Chłopiec nieadnarazova prasiŭ virtualnuju znajomuju dasłać jamu svaje fatahrafii, albo paprostu patelefanavać. Adnak «znajomaja» admaŭlałasia. Surazmoŭcy navat damaŭlalisia pra spatkańnie ŭ horadzie, adnak u apošni momant usio zryvałasia.
Padman vyjaviŭsia vypadkova, kali maci chłopčyka nie daličyłasia hrošaj na bankaŭskaj karcie. Jon raskazaŭ joj pra ŭsio, paśla čaho pastupiła zajava ŭ milicyju.
Zaviali kryminalnuju spravu pa č.1 art.209 KK Biełarusi (machlarstva).
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary