Aficyjnaja hazieta Barysaŭskaha rajvykankama «Adzinstva» ŭziała intervju ŭ treniera pa krośficie Viktara Zacharjeva. Heta pieršy ŭ krainie trenier pa fitnesie ŭ invalidnym vazku.
Na hutarku Viktar pryjšoŭ u śvitšocie z Pahoniaj. Adnak u vynikovym materyjale simvała nie stała, zastaŭsia tolki nadpis Belarus.
Hałoŭnaja redaktarka «Adzinstva» — Viera Pratasievič.
Redaktarka barysaŭskaj rajonki Viera Pratasievič u 2011 hodzie była pryznana Čałaviekam hoda Minščyny.
Pratasievič zapeŭnivaje, što nie viedała pra situacyju. A rašeńnie pra zamazvańnie «Pahoni», maŭlaŭ, prymała aŭtarka materyjała Kaciaryna Varabjova.
Sama žurnalistka nie zachacieła tłumačyć pryčynu takoha dziejańnia. «Nie razumieju, čamu heta tak chvaluje vas», — adkazała jana.
«Ja nijakaja nie apazicyja, mnie prosta padabajecca hety simvał, hety nadpis «Biełaruś». Ja nie bajusia nasić hetuju bajku. Pra toje, što budzie fotašop, mianie papiaredzili, ja nie byŭ suprać. Nie viedaju, čamu tak adbyvajecca. Chacia ŭ hałavie dobra razumieju», — raskazaŭ Viktar Zacharjeŭ.
«Pahonia» — simvał, zaniesieny ŭ śpis historyka-kulturnaj spadčyny Biełarusi, jana vyjaŭlena na hierbach mnohich haradoŭ Biełarusi. Taksama «Pahonia» była dziaržaŭnym hierbam Biełarusi ŭ 1991 — 1995.
Kamientary