Łukašenka siońnia naviedvaje Staradarožski rajon, paviedamlaje BiełTA.
Jon pacikaviŭsia, jak u rajonie idzie ŭborka kałasavych. Jamu adkazali, što zastałosia prykładna 5%, u tym liku avios i jačmień. Kiraŭnik dziaržavy zaŭvažyŭ, što hetyja kultury treba prybirać u bolš rannija terminy, čym astatnija zbožžavyja, asabliva z ulikam daždžlivaha nadvorja.
«Avios i jačmień, viadoma, treba było daŭno prybrać. Ja śpiecyjalna kranaju hetaje pytańnie. Ja vas papiaredžvaŭ, što hałoŭnaje — heta stratehija ŭ hetuju ŭboračnuju kampaniju. My ŭvieś čas havorym: žnivo, žnivo… I žurnalisty (jany ž nie śpiecyjalisty) padchapili heta i razduli da kaśmičnych pamieraŭ. Heta navat nie pieršy, a druhi etap uborki. Pieršy — travy.
Druhi etap — uborka zbožžavych. Jana ŭžo pierastała być u nas hałoŭnaj, bo my zbožžavyja paŭrezali, a astatniaje addali pad kukuruzu, raps. Kałasavyja ŭ nas — nie hałoŭnaje va ŭborcy. Da ŭborcy jašče vializnyja płoščy bulby, cukrovych burakoŭ. Voś dzie jašče ŭborka, jana tolki pačałasia», — skazaŭ kiraŭnik dziaržavy.
«Tamu ja i kazaŭ pra stratehiju, asabliva ciapier. Nie čakajcie, što ŭ nas budzie dobraje nadvorje. Usio, što ŭ nas zastałosia, — 10-13%, a heta dobry chleb. I hety chleb treba ŭziać», - padkreśliŭ biełaruski kiraŭnik.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary