Prezident Ukrainy Uładzimir Zialenski na svajoj staroncy ŭ fejsbuku zaklikaŭ narod dałučycca da «najmaštabniejšaha fłešmobu» pa baraćbie z karupcyjaj.
«Uziać udzieł moža kožny hramadzianin Ukrainy. Dla hetaha nie treba zapisvać nijakich videa, nie treba stavić nijakich cheštehaŭ. Dla hetaha treba tolki adno: žyć pa zakonie», — zajaviŭ prezident.
Jon rastłumačyŭ, što ŭłada nie zmoža adnavić ekanomiku Ukrainy, kali ŭsie hramadzianie nie buduć płacić padatki.
«My nikoli nie pieraadolejem karupcyju, kali vy budziecie zapluščvać na jaje vočy <…> I ja źviartajusia da hramadzian. Ad vas patrabujuć chabar? Prapanujuć adkat? Ci jašče niejkuju karupcyjnuju schiemu? Kali łaska, nie maŭčycie! <…> Telefanujcie i paviedamlaje ab situacyi na haračuju liniju NABU [Nacyjanalnaje antykarupcyjnaje biuro»], — prapanavaŭ Zialenski. Prezident adznačyŭ, što jeŭrapiejski ŭzrovień žyćcia, da jakoha imkniecca Ukraina, — heta ŭ pieršuju čarhu «inšaja mientalnaść» i viaršenstva zakona.
Zialenski zaznačyŭ, što pačaŭ ź siabie: 23 vieraśnia padpisaŭ zakonaprajekt ab impičmiencie prezidenta — dakumient papaŭniaje prabieły ŭ zakanadaŭstvie, jakija rehuluć praceduru impičmientu i jakija raniej rabili jaje praktyčna niemahčymaj.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina15
Kamientary