Прэзідэнт Украіны Уладзімір Зяленскі на сваёй старонцы ў фэйсбуку заклікаў народ далучыцца да «наймаштабнейшага флэшмобу» па барацьбе з карупцыяй.
«Узяць удзел можа кожны грамадзянін Украіны. Для гэтага не трэба запісваць ніякіх відэа, не трэба ставіць ніякіх хэштэгаў. Для гэтага трэба толькі адно: жыць па законе», — заявіў прэзідэнт.
Ён растлумачыў, што ўлада не зможа аднавіць эканоміку Украіны, калі ўсе грамадзяне не будуць плаціць падаткі.
«Мы ніколі не пераадолеем карупцыю, калі вы будзеце заплюшчваць на яе вочы <…> І я звяртаюся да грамадзян. Ад вас патрабуюць хабар? Прапануюць адкат? Ці яшчэ нейкую карупцыйную схему? Калі ласка, не маўчыце! <…> Тэлефануйце і паведамляе аб сітуацыі на гарачую лінію НАБУ [Нацыянальнае антыкарупцыйнае бюро»], — прапанаваў Зяленскі. Прэзідэнт адзначыў, што еўрапейскі ўзровень жыцця, да якога імкнецца Украіна, — гэта ў першую чаргу «іншая ментальнасць» і вяршэнства закона.
Зяленскі зазначыў, што пачаў з сябе: 23 верасня падпісаў законапраект аб імпічменце прэзідэнта — дакумент папаўняе прабелы ў заканадаўстве, якія рэгулюць працэдуру імпічменту і якія раней рабілі яе практычна немагчымай.
Цяпер чытаюць
Лукашэнка расказаў пра забойства апазіцыянера, якое нібыта адбылося тры дні таму9
Каментары