Łukašenka — pra naftu: Što samaje dziŭnaje, samym vyhadnym akazaŭsia maršrut pastavak z Hdańska

Biełaruś prapracoŭvaje varyjanty pastaŭki nafty z rynkaŭ, alternatyŭnych rasijskamu. Ab hetym Alaksandr Łukašenka zajaviŭ siońnia na sustrečy z pradstaŭnikami ŭkrainskich ŚMI, piša BiełTA.

Kiraŭnik dziaržavy, u pryvatnaści, zhadaŭ ab padatkovym manieŭry ŭ naftavaj śfiery Rasii, adznačyŭšy, što Biełaruś u vyniku hetaha vymušana ŭ tym liku šukać alternatyŭnyja varyjanty pastavak.

Alaksandr Łukašenka adznačyŭ, što Biełaruś, viadoma, zaležnaja ad Rasii ŭ płanie pastavak syraviny i vuhlevadarodaŭ. «Ale siońnia heta nie katastrofa. Padatkovy manieŭr padkinuli nam. Niekali my atrymlivali ad pierapracoŭki rasijskaj nafty, kuplali ŭ ich naftu biez mytni (u nas Mytny sajuz, svabodny handal). Ale jany nastajali, kab my, pradajučy naftapradukty Ukrainie i inšym, častku hrošaj im addavali. Potym ubačyli, što heta šmat (zastajecca ŭ rasparadžeńni Biełarusi). Uviali hety padatkovy manieŭr. Heta značyć u siabie ŭviali na naftu padatak na zdabyču karysnych vykapniaŭ. Mytnaj pošliny byccam niama ŭ handli, ale jany ŭviali padatak, i nafta padaražeła», - skazaŭ jon.

«Heta značyć, što našy dva naftapierapracoŭčyja zavody apynulisia ŭ niavyhadnym stanoviščy ŭ paraŭnańni ź ich zavodami.

Bolš za toje, ciapier dajšli da taho, što PZKV zabrali, ciapier viartajuć NPZ (rasijskim). Našym zavodam nie viartajuć. I nafta adrazu padaražeła. Nas padvodziać da suśvietnaj cany. Na što ja publična ŭ Piciery apošni raz skazaŭ: «Kali tak, tady my vymušany budziem zakuplać z rynku naftu», - padkreśliŭ kiraŭnik dziaržavy.

Pry hetym jon adznačyŭ, što rasijskaja nafta marki Urals nie samaj vysokaj jakaści na suśvietnym rynku. Biełaruś raniej užo adpracoŭvała alternatyŭnyja pastaŭki nafty pa naftapravodzie Adesa — Brody.

«Ja na pierahavorach skazaŭ adkryta: my majem try varyjanty, padličvajem pastaŭki nafty na svaje zavody. Bolš taho, my hetyja zavody ŭ biahučym hodzie ŭ asnoŭnym madernizujem. Jany ŭžo buduć prybytkovymi, kali my kupim darahuju naftu ŭ Mižziemnym abo Čornym mory, abo na Bałtycy. My kupim, pierapracujem i nie budziem ciarpieć stratu», - zajaviŭ biełaruski lidar.

«Ale 25 młn t nafty my možam siońnia pierapracavać, i my hetu naftu pryviaziom na rynak Rasii (tak jany ciapier pastaŭlajuć tut). Voźmiem, dapuścim, iranskuju, amierykanskuju, saudaŭskuju, u Arabskich Emirataŭ (niadaŭna šejch tut byŭ, my viali pierahavory). Vam heta patrebna (Rasii)? Vy stracicie rynak. Minimum 20-25 młn t. Upeŭnieny, nie patrebna. Dyk davajcie damaŭlacca! Nie atrymlivajecca», — dadaŭ Łukašenka.

Kiraŭnik dziaržavy taksama raskazaŭ ab varyjantach alternatyŭnych pastavak

«Adesa — Brody varyjant vykarystoŭvali, čyhunačnym transpartam z Adesy pastaŭlali. Heta daražej. Što dziŭna, samym vyhadnym akazaŭsia maršrut pastavak z Hdańska - cieraz Polšču ŭ Biełaruś. Pieramyčku zrobim, na dva zavody budziem adrazu pastaŭlać, - adznačyŭ jon. =— Z čatyroch nitak naftapravoda «Družba» my zabiarom spačatku dźvie. I reviersam budziem pampavać. Nie z Rasii nafta pojdzie, a adtul (cieraz Polšču) da nas. Ale heta nie ryčahi nacisku. Heta pošuk alternatyvy. Treci napramak — cieraz party Litvy i Łatvii. I ŭsiudy my padciahvajem intaresy tranzitnych dziaržaŭ».

• 0
• 0
• 0
• 0
• 0
• 0
• 0
• 0