«My blizkija da kropki niezvarotu»: Makiej u AAN zaklikaŭ admovicca ad RSMD i zmahacca sa źmienami klimatu
Ministr zamiežnych spraŭ Biełarusi Uładzimir Makiej, vystupajučy na ahulnaj dyskusii 74-j siesii Hienieralnaj asamblei AAN, nahadaŭ pra pahrozu raźmiaščeńnia rakiet siaredniaj i mienšaj dalokaści ŭ Jeŭropie, piša BiełTA. U žniŭni spyniła svajo dziejańnie Damova ab likvidacyi rakiet siaredniaj i mienšaj dalokaści. Heta damova źjaŭlałasia adnym z najvažniejšych elemientaŭ sučasnaj razzbrajenčaj architektury i simvałam zakančeńnia chałodnaj vajny.
«Uźnikła realnaja pahroza źjaŭleńnia takich rakiet, z padlotnym časam u niekalki chvilin, u roznych rehijonach śvietu, u tym liku ŭ Jeŭropie. Heta niepaźbiežna paciahnie za saboj dalejšy rost napružanaści, novy vitok palityčnaj i vajennaj kanfrantacyi, pavyšeńnie ryzyki jadziernaha apakalipsisu. Mienavita tamu my vystupajem za nieadkładnyja sumiesnyja dziejańni pa zachavańni dasiahnieńniaŭ Damovy ab likvidacyi rakiet siaredniaj i mienšaj dalokaści ŭ našym ahulnym domie - na jeŭrapiejskim kantyniencie», - padkreśliŭ ministr.
«Naša kraina prapanuje nieadkładna pačać pracu pa padrychtoŭcy prajekta dekłaracyi. Zaklikajem dziaržavy pa abodva baki Atłantyki, jakija nieabyjakavyja da losu čałaviectva, padtrymać nas u hetym pačynańni», - skazaŭ Uładzimir Makiej.
Klučavym elemientam hetaha dakumienta Biełaruś bačyć jasnyja i ćviordyja abaviazacielstvy krain pa nieraźmiaščeńni na svajoj terytoryi rakiet siaredniaj i mienšaj dalokaści i admovu ad ich vytvorčaści.
Taksama kiraŭnik MZS adznačyŭ, što śviet stanovicca blizki da kropki niezvarotu biez rašučych dziejańniaŭ u baraćbie sa źmienaj klimatu.
«My bačym, jak na fonie rostu nasielnictva płaniety i, jak śledstva, rostu ekspłuatacyi abmiežavanych resursaŭ Ziamli abvastrajecca prablema źmieny klimatu. Napeŭna, my vielmi blizkija da kropki niezvarotu, kali nie buduć pryniaty samyja rašučyja dziejańni. Pakul ža namahańni mižnarodnaj supolnaści pa skaračeńni vykidaŭ vidavočna adstajuć ad dynamiki razburalnych pracesaŭ klimatyčnych źmienaŭ», - kanstatavaŭ Uładzimir Makiej.
Jon zajaviŭ, što Biełaruś jak adkazny ŭdzielnik kalektyŭnych namahańniaŭ pa baraćbie sa źmienaj klimatu maje namier uziać na siabie biezumoŭnaje abaviazacielstva da 2030 hoda skaracić vykidy parnikovych hazaŭ nie mienš čym na 35% u paraŭnańni z 1990 hodam vyklučna za košt ułasnych resursaŭ.
«Mahutny impuls pierachodu da nizkavuhlarodnaj ekanomiki nadaŭ byŭ zapusk matyvacyjnaha miechanizmu, jaki praduhledžvaje pieradaču krainam, jakija raźvivajucca pieradavych viedaŭ i technałohij, a taksama klimatyčnyja inviestycyi», - adznačyŭ ministr.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie10
Kamientary