Francyja zajaviła, što spyniła prodaž zbroi ŭ Turcyju z pryčyny jaje vajennaj apieracyi na poŭnačy Siryi. Pra heta havorycca ŭ sumiesnaj zajavie ministerstva zamiežnych spraŭ i ministerstva abarony Francyi, paviedamlaje radyjo «Svaboda» sa spasyłkaj na Reuters.
«U čakańni zakančeńnia hetaha nastupu Francyja vyrašyła prypynić usie plany pa eksparcie ŭ Turcyju zbroi, jakaja moža vykarystoŭvacca ŭ nastupie», — havorycca ŭ zajavie.
Rašeńnie nabyvaje moc adrazu paśla apublikavańnia. Akramia hetaha, u zajavie skazana, što ministry zamiežnych spraŭ Jeŭrasajuza buduć ŭzhadniać svaju pazycyju pa hetym pytańni 14 kastryčnika na sustrečy ŭ Luksiemburhu.
Napiaredadni ŭrad Niamieččyny paviedamiŭ, što prypyniaje pastaŭki ŭzbrajeńnia Turcyi na fonie vajennaj apieracyi Ankary na poŭnačy Siryi.
Tym časam Ministerstva nacyjanalnaj abarony Turcyi paviedamiła ŭ niadzielu, što ŭzbrojenyja siły Turcyi «niejtralizavali 480 terarystaŭ» z Rabočaj partyi Kurdystana i kurdskich «Sił narodnaj samaabarony» padčas transhraničnaj apieracyi ŭ Siryi, piša tass.ru.
9 kastryčnika Turcyja abviaściła ab praviadzieńni na poŭnačy Siryi apieracyi «Krynica miru», jakaja pačałasia z avijaŭdaraŭ VPS pa pazicyjach kurdskich farmavańniaŭ. Metaj źjaŭlajecca stvareńnie tam bufiernaj zony, jakaja pavinna stać achoŭnym pojasam dla tureckaj miažy. Tudy, pavodle zadumy Ankary, zmohuć viarnucca z Turcyi siryjskija biežancy. Siryjskaje dziaržaŭnaje ahienctva SANA nazvała apieracyju ahresijaj, suśvietnaja supolnaść asudziła dziejańni Ankary.
Kamientary