Mužčyna zabyŭ kašalok u kramie, a kali viarnuŭsia, jaho ŭžo nie było
Vypadak apisała bresckaja milicyja.
Žychar pasiołka Leninski pryjechaŭ u Žabinku pa pradukty. Pierad uvachodam u kramu mužčyna źniaŭ bujnuju sumu hrošaj u bankamacie. Nie znajšoŭšy nieabchodnyja tavary, jon kupiŭ maroziva i adpraviŭsia ŭ bank. Užo tam paciarpieły vyjaviŭ, što kašalok pakinuŭ u kramie. Viarnuŭšysia, pakupnik źviarnuŭsia z pytańniem da kasira, ale toj adkazaŭ, što kašalok na pryłaŭku nichto nie zabyvaŭ.
Mužčyna napisaŭ zajavu ŭ Žabinkaŭski RAUS. Supracoŭnik kryminalnaha vyšuku nieadkładna nakiravaŭsia ŭ kramu, dzie vyvučyŭ zapisy z kamier videanazirańnia. Apieratyŭnik ŭbačyŭ, chto prysvoiŭ sabie kašalok, prasačyŭ jaho šlach i ŭ składzie śledča-apieratyŭnaj hrupy pryjechaŭ da jaho dadomu ŭ viosku Saki, dzie pravaachoŭniki i znajšli skradzieny kašalok.
Kamientary