Biełaruś razam z Hruzijaj i Ŭkrainaj moža zrabicca adnym z klučavych partnioraŭ Zachadu na postsavieckaj prastory, i vyhladaje, što dziela hetaha Jeŭropa vyrašyła nie čakać źmieny ŭłady ŭ Minsku.
Biełaruś razam z Hruzijaj i Ŭkrainaj moža zrabicca adnym z klučavych partnioraŭ Zachadu na postsavieckaj prastory, i vyhladaje, što dziela hetaha Jeŭropa vyrašyła nie čakać źmieny ŭłady ŭ Minsku.Kali hety praces pojdzie biez zbojaŭ, to Rasija moža nie pryčakać pryznańnia Biełaruśsiu Abchazii i Paŭdniovaj Asiecii, piša vydańnie. «Kommiersant» adznačaje, što hety tydzień staŭ rekordnym dla biełaruskich uładaŭ pa kolkaści dobrych navinaŭ ź Jeŭropy. Kulminacyjaj staŭ vizit pradstaŭnika Jeŭrasajuzu pa pytańniach supolnaj zamiežnaj palityki i palityki biaśpieki Chaŭjera Sałany. «Svoj vizit jon nazvaŭ pačatkam «bolš hłybokich i ciesnych adnosinaŭ pamiž ES i Biełaruśsiu», jakaja źjaŭlajecca važnaj krainaj dla Jeŭrasajuza» — adznačaje hazieta.
«'» zaŭvažyŭ, što Sałana choć i sustrakaŭsia z pradstaŭnikami apazicyi i pravaabarončych arhanizacyj, usio ž na vynikovaj pres-kanfieriencyi nie ahučyŭ umovaŭ, na jakich jon źbirajecca zbližacca ź Minskam dy nie prakamientavaŭ pytańni svabody ŚMI i situacyju z pravami čałavieka ŭ Biełarusi.
Hazieta robić ekskurs u najnoŭšuju historyju dačynieńniaŭ Jeŭropy i Biełarusi — ad vyzvaleńnia palitviaźniaŭ da vizitu kiraŭnika biełaruskaha MZS u Brusel.
Vypady na adras apazicyi, jakuju Łukašenka kateharyčna admaŭlajecca bačyć u jakaści pasiarednikaŭ u dyjałohu z Zachadam, mohuć i nie zaŭvažyć u ES dy ZŠA, adznačaje «Kommiersant». Bo ich kudy bolš cikavić pytańnie pryznańnia Biełaruśsiu niezaležnaści Abchazii i Paŭdniovaj Asiecii.
***
Inšyja bujnyja ŚMI Rasii taksama nie abminuli ŭvahaj vizit Sałany ŭ Biełaruś. «Jeŭropa kupić Biełaruś?», piša siońnia «Niezavisimaja hazieta». «Jeŭrasajuz abiacaje Biełarusi partniorstva biez demakratyzacyi», paviedamlaje «Vriemia novostiej» ŭ artykule «Sołana chlabaŭšy». Hazieta.ru familjarna nazyvaje Łukašenku Baćkam u artykule «Chleb dy Sałana».
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary