Alaksandr Łukašenka daručyŭ dziaržsakrataru Rady biaśpieki i ministru abarony raspracavać i ŭ najbližejšy čas pradstavić jamu płan mierapryjemstvaŭ pa adekvatnym reahavańni na dziejańni, źviazanyja z raźmiaščeńniem u Litvie kala miažy ź Biełaruśsiu braniatankavaj techniki i kantynhientu ŭzbrojenych sił ZŠA. Pra heta žurnalistam paviedamiŭ dziaržaŭny sakratar Rady biaśpieki Biełarusi Stanisłaŭ Zaś, pieradaje karespandent BiełTA.
Pavodle słoŭ dziaržsakratara Rady biaśpieki, u Litvu ŭžo prybyvajuć padraździaleńni amierykanskaj braniatankavaj dyvizii. Pry hetym miescam dysłakacyi abrany palihon Pabrade litaralna za 15 kiłamietraŭ ad miažy ź Biełaruśsiu. «Heta adzin z najbujniejšych vajennych palihonaŭ na terytoryi Litvy. Da hetaha času amierykanskich padraździaleńniaŭ u hetaj krainie nie było. Zaraz jany tam źjaŭlajucca. Pierš za ŭsio prybyli tankavyja padraździaleńni», — skazaŭ Stanisłaŭ Zaś.
Jon padkreśliŭ, što ŭ hetaj situacyi nielha być prosta naziralnikam. «U luboj krainie prapracoŭvajucca miery ŭ adkaz. I kiraŭnik dziaržavy pastaviŭ zadaču Dziaržsakrataryjatu i Ministerstvu abarony ŭnieści prapanovy pa reahavańni na hety fakt. Takija prapanovy buduć adpracavany i pra ich paviedamiać prezidentu ŭ pačatku nastupnaha tydnia», — zajaviŭ Dziaržsakratar Rady biaśpieki.
Stanisłaŭ Zaś asabliva padkreśliŭ, što hetyja dziejańni robiacca na fonie rostu napružanaści ŭ rehijonie i śviecie, što ŭpłyvaje i na stan biaśpieki. «Nam hetaha nie treba. Ci patrebna Litvie takaja dadatkovaja napružanaść pamiž našymi družalubnymi narodami, chaj jany sami prymajuć rašeńnie», — vykazaŭsia jon.
Toje ž samaje tyčycca i pytańnia zakłapočanaści biełaruskaha boku z nahody maštabnych vučeńniaŭ NATA Defender Europe, jakija płanujecca pravieści viasnoj 2020 hoda.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary