Minski prakat «Voziera radaści» pačaŭsia anšłaham. Siońnia pakaz z udziełam Marcinoviča i Anikiej
Biełaruskamoŭny film pavodle ramana Viktara Marcinoviča zdabyŭ pryznańnie na važnym kinafiestyvali ŭ Klermon-Fieranie. Ciapier jaho pryvieźli ŭ Biełaruś.
Pakaz u kinateatry «Maskva» 13 listapada prajšoŭ z anšłaham. Było atmaśfierna. U faje vystupała para viasielnych muzykaŭ ź Lachavickaha rajona, jakija ŭ filmie źnialisia. U vyšyvankach, uračystyja, jany zadavali nastroj. Sa sceny vystupaŭ kulturtrehier Siarhiej Doŭhušaŭ, jaki ŭ filmie taksama fihuruje.
Film vyklikaŭ vializnuju cikavaść: Maksim Chlabiec śpiecyjalna pryjechaŭ na pakaz ź Bieraścia.
Miarkujučy pa vodhukach minskaj publiki, najbolš ludziej uraziła, nakolki daloka film adyšoŭ ad ramana. «Supolnaha tut tolki nazva», — havaryli ludzi na vychadzie.
Urazili taksama lachavickija piejzažy i typažy — tamtejšyja ludzi zdymalisia. I hałoŭnaja hierainia, jakaja, darečy, na pakazie ścipła prysutničała. Razam z vykanaŭcam inšaj centralnaj roli, baćki — Iharam Sihavym.
Na siońniašnim pakazie ŭ kinateatry «Biełarusi» a 18-j majuć prysutničać piśmieńnik Viktar Marcinovič i vykanaŭca roli mačachi Śviatłana Anikiej.
Film idzie ŭ prestyžnych minskich kinateatrach «Falcon Club Bucik Kino», Silver Screen u «Halilea», «Biełaruś», «Pijanier». Kupić bilety možna tut.
A 16 listapada jaho pakažuć na radzimie režysiora, u Baranavičach. 21 listapada film pryviazuć taksama ŭ Bieraście.
Voś niekatoryja vodhuki minčukoŭ u sacsietkach:
Kamientary