Мінскі пракат «Возера радасці» пачаўся аншлагам. Сёння паказ з удзелам Марціновіча і Анікей
Беларускамоўны фільм паводле рамана Віктара Марціновіча здабыў прызнанне на важным кінафестывалі ў Клермон-Феране. Цяпер яго прывезлі ў Беларусь.
Паказ у кінатэатры «Масква» 13 лістапада прайшоў з аншлагам. Было атмасферна. У фае выступала пара вясельных музыкаў з Ляхавіцкага раёна, якія ў фільме зняліся. У вышыванках, урачыстыя, яны задавалі настрой. Са сцэны выступаў культуртрэгер Сяргей Доўгушаў, які ў фільме таксама фігуруе.
Фільм выклікаў вялізную цікавасць: Максім Хлябец спецыяльна прыехаў на паказ з Берасця.
Мяркуючы па водгуках мінскай публікі, найбольш людзей уразіла, наколькі далёка фільм адышоў ад рамана. «Супольнага тут толькі назва», — гаварылі людзі на выхадзе.
Уразілі таксама ляхавіцкія пейзажы і тыпажы — тамтэйшыя людзі здымаліся. І галоўная гераіня, якая, дарэчы, на паказе сціпла прысутнічала. Разам з выканаўцам іншай цэнтральнай ролі, бацькі — Ігарам Сігавым.
На сённяшнім паказе ў кінатэатры «Беларусі» а 18-й маюць прысутнічаць пісьменнік Віктар Марціновіч і выканаўца ролі мачахі Святлана Анікей.
Фільм ідзе ў прэстыжных мінскіх кінатэатрах «Falcon Club Буцік Кіно», Silver Screen у «Галілеа», «Беларусь», «Піянер». Купіць білеты можна тут.
А 16 лістапада яго пакажуць на радзіме рэжысёра, у Баранавічах. 21 лістапада фільм прывязуць таксама ў Берасце.
Вось некаторыя водгукі мінчукоў у сацсетках:
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім18
Каментары