Jak vialiki kanadziec: biełarus Hrecki ź vialikaj pieravahaj vyjhraŭ u hałasavańni na Matč zorak KCHŁ
Šviedski bramnik minskaha «Dynama» Junas Enrat i try biełaruskija chakieisty vyjhrali ŭ hałasavańni na Matč zorak KCHŁ, piša Tut.by.
U hałasavańni abaroncaŭ dyvizijona Charłamava vyjhraŭ biełaruski chakieist «Ak Barsa» Kryścijan Chienkiel.
Biełaruski abaronca «Viciazia» Illa Šynkievič staŭ najlepšym u svaim ampłua ŭ dyvizijonie Tarasava.
Narešcie, z samaj vialikaj pieravahaj vyjhraŭ forvard «Dynama» Viačasłaŭ Hrecki, jaki pieršynstvavaŭ siarod napadnikaŭ dyvizijona Tarasava.
Hrecki sioleta pravioŭ 8 matčaŭ, nie nabraŭ nivodnaha ačka i zarabiŭ pakazčyk karysnaści «-4». Siarod napadnikaŭ heta 453-je i 404-je miescy adpaviedna.
Ale ŭ rekłamnaj kampanii pravodziłasia anałohija ź lehiendarnym Uejnam Hrecki, śćviardžałasia, što dziadula Uejna i Viačasłava naradzilisia ŭ adnym rehijonie Hrodzienskaj vobłaści. Samaje cikavaje, što Viačasłaŭ hulaje ŭ «Dynama» pad numaram 99, numaram lehiendarnaha kanadca.
I pra maładoha biełarusa pisali navat viadučyja kanadskija ŚMI.
Kamientary