Як вялікі канадзец: беларус Грэцкі з вялікай перавагай выйграў у галасаванні на Матч зорак КХЛ
Шведскі брамнік мінскага «Дынама» Юнас Энрат і тры беларускія хакеісты выйгралі ў галасаванні на Матч зорак КХЛ, піша Tut.by.
У галасаванні абаронцаў дывізіёна Харламава выйграў беларускі хакеіст «Ак Барса» Крысціян Хенкель.
Беларускі абаронца «Віцязя» Ілля Шынкевіч стаў найлепшым у сваім амплуа ў дывізіёне Тарасава.
Нарэшце, з самай вялікай перавагай выйграў форвард «Дынама» Вячаслаў Грэцкі, які першынстваваў сярод нападнікаў дывізіёна Тарасава.
Грэцкі сёлета правёў 8 матчаў, не набраў ніводнага ачка і зарабіў паказчык карыснасці «-4». Сярод нападнікаў гэта 453-е і 404-е месцы адпаведна.
Але ў рэкламнай кампаніі праводзілася аналогія з легендарным Уэйнам Грэцкі, сцвярджалася, што дзядуля Уэйна і Вячаслава нарадзіліся ў адным рэгіёне Гродзенскай вобласці. Самае цікавае, што Вячаслаў гуляе ў «Дынама» пад нумарам 99, нумарам легендарнага канадца.
І пра маладога беларуса пісалі нават вядучыя канадскія СМІ.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары