Kalady (Kryvyja ci Śviatyja viečary, Śviatki) — śviatočny pieryjad, prymierkavany da dnia zimovaha soncastajańnia. Jano zdaŭna simvalizavała abnaŭleńnie śvietu. Mienavita tamu ŭ čas Śviatak adznačajecca Novy hod.
Pakinuć pieradzamovu sa źnižkaj možna na sajcie kramy «Rahna».
Kalandar pakryvaje ŭvieś śviatočny pieryjad i paznačaje najbolš značnyja kropki hetaha času.
Heta adaptacyja papularnaj u Jeŭropie idei advient-kalendara.
Kalady — lubimaje i čakanaje narodnaje śviata, da jakoha mnohija pačynajuć rychtavacca zahadzia: prybirać i azdablać chatu, vybirać padarunki rodnym i siabram.
Zvyčaj daryć adzin adnamu padarunki pachodzić ad daroŭ, jakimi nadzialajuć kaladoŭščykaŭ.
Jany ŭvasablajuć haściej ź inšaha śvietu, jakija ŭ Śviatyja viečary vandrujuć pa ziamli, niasuć ludziam ad Boha dolu i jaje raźmiarkoŭvajuć. I adorvańnie kaladoŭščykaŭ — nieabchodnaja ŭmova atrymańnia ad ich svajoj doli.
Jakija ž dni śniežnia i studzienia, źviazanyja sa Śviatkami, paznačany ŭ kalendary?
21 śniežnia — samy karotki dzień i samaja praciahłaja noč u hodzie, što paznačana simvałam sonca, jakoje apuściłasia pad ziamlu;
22 śniežnia — paśla dnia soncastajańnia sonca pačynaje «raści», a praciahłaść dnia pavialičvacca, pra što śviedčyć znak uzychodziačaha sonca;
25 śniežnia — uviečary 24 śniežnia pačynajecca śviatkavańnie Pieršaj Kalady, albo Pieršaj (Biednaj) Kućci. U narodnaj tradycyi jano źviazvajecca sa źjaŭleńniem na niebie pieršaj zorki, simvał jakoj paznačany na kalendary. Pavodle adnaho z zapisaŭ, hetaja zorka zvałasia Kaza (narodnaja nazva zorki Capella ŭ suzorji Voźnik). Hetaja zorka — samaja vysokaja i vielmi jarkaja na kaladnym niebie;
31 śniežnia — viečar hetaha dnia viadomy jak Druhaja Kalada albo Kućcia. A taksama hety śviatočny viečar viadomy pad nazvaj Ščadrec. Mienavita hetaja data siońnia śviatkujecca jak Novy hod, simvałam jakoha stała jalinka — adna z prajavaŭ vobraza Suśvietnaha Dreva, jakoje złučaje ŭvieś Suśviet;
7 studzienia — uviečary 6 studzienia pačynaje adznačacca apošni dzień zimovych Śviatak — Treciaja Kalada, albo Hałodnaja (Vodnaja) Kućcia. U apošni kaladny dzień u peŭnych rehijonach było pryniata malavać na budynkach vyjavu kania. Jon simvalizuje Kaladu, što adjazdžaje na biełym kani. Heta paznačaje zakančeńnie śviatočnaha pieryjada i spadziavańnie sustreć śviata i adznačyć u nastupnym hodzie.
Kalandar azdobleny vyjavami niekatorych piersanažaŭ kaladnaha hurta. Kaza — najbolš papularny kaladny vobraz, jaki simvalizuje śmierć i adradžeńnie pryrody, adpaviadaje vobrazu bostva, jakoje naradžajecca i pamiraje.
Vobraz miadźviedzia ŭ kaladnym hurcie źviazany ź idejami zdaroŭja, siły, płodnaści i bahaćcia. U peŭnaj stupieni jaho možna razhladać i jak duch dzikaj pryrody, ź jakim treba damovicca, kab žyć u ładzie na nastupny hod.
Voŭk siarod kaladoŭščykaŭ ujaŭlajecca achoŭnikam ad licha i ŭsiaho niadobraha, a na Kalady biełarusy nazirali za ŭzychodam Vieniery, jakuju nazyvali Voŭča źviazda.
Pradajecca kalandar u kamplekcie z 20 małočnymi šakaładačkami, azdoblenymi kaladnymi vyjavami.
Ale nie spyniajciesia na hetym! Vy možacie napoŭnić jaho lubymi rečami, jakija pasujuć atrymalniku. Heta mohuć być kaladnyja smakoty, jełačnyja cacki, kaśmietyka i inšaja pryjemnaja drabiaza. Uklučajcie fantaziju i pajechali radavać blizkich!
Kalandar šmatrazovy — jaho možna vykarystoŭvać štohod!
-
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra
-
Dzianis ź Niaśviža dziesiać hadoŭ adpracavaŭ na likiora-harełačnym zavodzie. A znajšoŭ siabie i najlepš staŭ zarablać jak błohier Ałkabard
-
U Prypiaci pavialičvajecca kolkaść ryby, raniej zaniesienaj u Čyrvonuju knihu
Kamientary