Kab było mienš pravaparušeńniaŭ: štrafy za fotafiksacyju vyniesuć u asobny raździeł
U novym Kodeksie ab administracyjnych pravaparušeńniach płanujecca pierahledzieć niekatoryja sankcyi i pravaprymianialnuju praktyku. Ab hetym siońnia paviedamiła namieśnica kiraŭnika Administracyi prezidenta Volha Čuprys, piša BiełTA.
«Nam nieabchodna vyznačycca, jak my padzielim administracyjnyja pravaparušeńni, — adznačyła Volha Čuprys. — Jany buduć hradziravany na niekalki vidaŭ pa anałohii z Kryminalnym kodeksam: mienš ciažkija, bolš ciažkija».
U novym KoAP buduć pierahledžany sankcyi, niekatoryja ź ich stanuć miakčejšyja. Mahčyma, asobnyja pravaparušeńni stanuć ličycca niaznačnymi i pazbaviacca padstaŭ dla pryciahnieńnia da adkaznaści. Takaja norma jość i siońnia, ale, pavodle słoŭ namieśnika kiraŭnika Administracyi, jana pracuje nie zusim dobra. Ciapier vyvučajecca praktyka pryciahnieńnia da adkaznaści. Ekśpierty ličać, što administracyjny praces pavinien być bolš chutkim i nie pavinien vyklikać ciažkaści.
«Kali, naprykład, hramadzianin hatovy apłacić štraf na miescy, to heta nie pavinna być pieraškodaj dla jaho dalejšaha prasoŭvańnia pa słužbie: jon pryznaŭ vinu, i heta nie źjaŭlajecca tym pravaparušeńniem, jakoje pavinna pryvieści dla jaho da surjoznych nastupstvaŭ», - rastłumačyła Volha Čuprys.
Akramia taho, u asobnym raździele kodeksa chočuć abahulnić rabotu, źviazanuju z vykarystańniem techničnych srodkaŭ fiksacyi pravaparušeńniaŭ.
«Ciapier hetyja normy razroźnienyja. Kali jany buduć zhrupavany, to praktyka pojdzie ŭžo inšym šlacham: adkryŭ, pahladzieŭ, apieratyŭna prymianiŭ», — skazała namieśnik kiraŭnika Administracyi.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary