Dziaržaŭnaja aŭtainśpiekcyja płanuje admovicca ad vykarystańnia ručnych radaraŭ. Pra heta paviedamiŭ siońnia žurnalistam ministr unutranych spraŭ Juryj Karajeŭ, pieradaje BiełTA.
Juryj Karajeŭ raskazaŭ, što ŭ Biełarusi ŭžo abmiežavali vykarystańnie mabilnych kamier fotafiksacyi. Hetamu rašeńniu ŭžo dva tydni, pakul što jano nie pryviało da ŭsplosku parušeńniaŭ chutkasnaha režymu, zaŭvažyŭ ministr.
«Byli skarhi na tych supracoŭnikaŭ DAI, jakija spyniali i pakazvali: «Ty jechaŭ 80 km/h». A raptam prybor nie pravierany abo stary. U hramadzian uźnikaŭ časam sumnieŭ. I była takaja kolkaść skarhaŭ, što my vyrašyli admianić mabilnyja radary. U nas chapaje stacyjanarnych, — rastłumačyŭ Juryj Karajeŭ. — Moža, adydziem naohuł ad hetych mabilnych radaraŭ, jakija inśpiektary DAI nosiać z saboj».
Jon taksama raskazaŭ pra narakańni na mabilnyja datčyki, jakija ŭstaloŭvaje apieratar «Biaśpiečnyja darohi Biełarusi». Mnohija hramadzianie vykazvali mierkavańni, što takija kamiery vykarystoŭvajuć śpiecyjalna dziela hrošaj, bo časta ich možna vyjavić u takich miescach, dzie z-za darožnych umoŭ nie parušyć chutkasny režym niemahčyma.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni22
Kamientary