U studzieni 2026 hoda prodažy novych lehkavych aŭtamabilaŭ u Biełarusi istotna skaracilisia. Pavodle źviestak Biełaruskaj asacyjacyi aŭtamabilistaŭ, za miesiac u aŭtasałonach było pradadziena tolki 3 508 mašyn 15 samych papularnych marak, što amal na 40% mienš, čym u studzieni minułaha hoda.
Źnižeńnie prodažaŭ zakranuła amal usie brendy, za vyklučeńniem Belgee i Geely. Na hetyja marki prypała bolš za pałovu rynku — 52,8%. Dla aŭtamabilaŭ, jakija źbirajucca pad Barysavam, heta istotny rost, bo jašče hod tamu ich dola składała kala 27%.
Adnačasova biełarusy prykmietna radziej kuplajuć lehkaviki, vyrablenyja abo ŭviezienyja z Rasii.
Impart aŭtamabilaŭ z susiedniaj krainy ŭ studzieni ŭpaŭ u čatyry razy ŭ paraŭnańni ź minułym hodam, a ich dola na rynku skaraciłasia z 38% da 15%. Asabliva rezka źnizilisia prodažy mašyn Lada — u 3,6 raza.
Faktyčna spynilisia i prodažy kitajskich marak, jakija vypuskajucca na rasijskich zavodach.
Mienš stali kuplać i novyja aŭto z krain pa-za miežami Jeŭrazijskaha ekanamičnaha sajuza: ich dola źmienšyłasia z 35% da 27%.
Razam z tym u BAA adznačajuć, što biełarusy nie admaŭlajucca ad pakupki aŭtamabilaŭ uvohule. Mnohija, imknučysia aščadzić na darahim harantyjnym absłuhoŭvańni i majučy skiepsis adnosna jakaści novych madelaŭ, addajuć pieravahu mašynam, pryviezienym ź Jeŭropy abo ZŠA, a taksama kuplajuć aŭto na druhasnym rynku ŭnutry krainy.
Impart novych lehkavych aŭtamabilaŭ fizičnymi asobami praciahvaje raści: u studzieni 2026 hoda na jaho prypała 56% usich uviezienych u Biełaruś novych aŭto.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary