flickr.com
Uzrovień biespracoŭja ŭ 28 krainach — členach ES u śniežni 2019 hoda skłaŭ 6,2%, i heta samy nizki pakaźnik sa studzienia 2000 hodu, śviedčać Statystyčnaha ŭpraŭleńnia ES, piša Radyjo Svaboda
Siarod krainaŭ ES samy nizki ŭzrovień biespracoŭja ŭ śniežni 2019 hoda zafiksavali ŭ Čechii (2,0%), a taksama ŭ Niamieččynie (3,2%) i Niderłandach (3,2%). Uzrovień biespracoŭja ŭ Polščy składaje 3,3%.
Samyja vysokija pakaźniki biespracoŭja byli ŭ Hrecyi (16,6% u kastryčniku 2019-ha) i Ispanii (13,7%).
Biespracoŭje siarod moładzi ŭ ES u śniežni 2019 hoda źmienšyłasia da 14,1% u paraŭnańni z 14,6% u śniežni 2018 hoda.
Uzrovień biespracoŭja ŭ krainach jeŭrazony skłaŭ 7,4%, i heta samy nizki pakazčyk z maja 2008 hoda. U paraŭnańni ź situacyjaj hodam raniej kolkaść biespracoŭnych źniziłasia na 747 tysiač čałaviek u ES i na 592 tysiačy — u jeŭrazonie.
*U jeŭrazonu ŭvachodzić 19 krainaŭ — členaŭ ES: Aŭstryja, Bielhija, Kipr, Łatvija, Niamieččyna, Ispanija, Litva, Italija, Irłandyja, Malta, Niderłandy; Słavakija, Luksiemburh, Partuhalija, Słavienija, Finlandyja, Estonija, Francyja, Hrecyja.
Kamientary