U Viciebsku ŭ balnicy 26 čałaviek, što kantaktavali z žančynaj, u jakoj padazreńnie na karanavirus
U Viciebsku špitalizavany 26 čałaviek, jakija kantaktavali z rabotnicaj futravaha kambinata, u jakoj padazreńnie na karanavirus. Usie jany znachodziacca ŭ abłasnoj kliničnaj infiekcyjnaj balnicy. Pra heta TUT.BY paviedamiŭ načalnik abłasnoha kamiteta achovy zdaroŭja Juryj Dziarkač.
— My pajšli na apiaredžańnie, i ŭsich ludziej, jakija znachodzilisia niepasredna ŭ kantakcie z žančynaj, špitalizavali ŭ baksiravanaje adździaleńnie abłasnoj infiekcyjnaj balnicy. Heta jaje kalehi, členy siamji, a taksama tyja, chto ź joj razam jeździŭ (u Italiju). Usie hetyja asoby ŭstanoŭlenyja i izalavanyja. Ich 26 čałaviek. Va ŭsich uziali analizy, i jany adpraŭlenyja na daśledavańnie. Ciapier užo atrymlivajem adkazy. Vyniki admoŭnyja, — paviedamiŭ Juryj Dziarkač.
U abłasnoj infiekcyjnaj balnicy dla špitalizavanych nastupnyja ŭmovy.
— Žančyna, u jakoj padazreńnie na karanavirus, znachodzicca ŭ asobnym boksie. Jana nie kantaktuje ni z kim. U hety boks — asobny ŭjezd. Vychad z hetaha boksa niemahčymy: tam jość adpaviednyja šluzy i zamkniony pavietraabmien. To bok, hetaja žančyna niekantaktnaja. Usie astatnija špitalizavanyja — kantaktnyja. Ale raźmiaščajucca taksama ŭ boksach z asobnym vychadam.
Kolkaść ludziej u hetych boksach, pa słovach Juryja Dzierkača, budzie mianiacca:
— Tych, u kaho admoŭnyja vyniki, budziem vyvodzić ź izalacyi ŭ infiekcyjnaj balnicy. Ale jany buduć znachodzicca ŭ miedustanovie 14 dzion. U pryncypie, hetych ludziej, jakija kantaktavali z rabotnicaj futravaha kambinata, možna było nazirać i na chacie, ale pajšli na varyjant poŭnaj izalacyi. Kab vyklučyć usie mahčymyja prablemy.
Na futravym kambinacie niama karancinu.
— U hetym niama nieabchodnaści. Žančyna nie pracavała na kanviejery. A tyja, z kim jana była ŭ kantakcie, paŭtaru, usio špitalizavanyja.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary