Zahadčyca adździaleńnia chutkaj dapamohi balnicy Uchania pakajałasia: Nie treba było mnie maŭčać
Džyn vyrvaŭsia z butelki. Mahčyma, tamu, što ŭłady Kitaja niekalki tydniaŭ chavali infarmacyju pra niebiaśpiečny virus.
Aj Fen, dyrektarka adździaleńnia chutkaj dapamohi Centralnaj balnicy horada Uchań u intervju kitajskamu časopisu Renwu apisała, jak 30 śniežnia jana praz mesendžar WeChat padzialiłasia z kalehami infarmacyjaj pra pacyjenta, u jakoha vyjavili simptomy, padobnyja da SARS — atypovaj pnieŭmanii, ad jakoj u 2003 hodzie zahinuła 800 čałaviek z 8000 zaražanych.
Post Aj Fen raźlacieŭsia pa miedyčnym asiarodku, jaho pračytaŭ i doktar-aftalmołah Li Veńlań, jaki taksama raspaŭsiudžvaŭ infarmacyju pra jaŭnyja simptomy atypovaj pnieŭmanii ŭ šerahu pacyjentaŭ. Jamu daduć vymovu za «raspaŭsiud čutak» i «padryŭ stabilnaści».
Aj Fen raskazała, što taksama atrymała vymovu za «raspaŭsiud čutak».
U svaim intervju jana apisvaje najciažejšyja momanty apošnich dvuch miesiacaŭ: jak stary atrymlivaŭ paśviedčańnie pra śmierć svajho 32-hadovaha syna, jak čatyry ź jaje kaleh pamierli ad virusa — u tym liku i doktar Li, jaki staŭ simvaličnaj postaćciu. «Kali b ja viedała, što ŭsio tak budzie, ja b nie zvažała na vyhavar. Ja b usim, usim raskazvała b», — pryznałasia Aj Fen.
Kitajskaja cenzura ŭžo vycierła intervju z časopisa Renwu i z sacsietak. Ale internaŭty paśpieli narabić skrynšotaŭ materyjału.
Ciapier čytajuć
Pobač z Łukašenkam na chakiei źjaviłasia novaja pryhažunia17
Kamientary