Z 1 pa 30 krasavika ŭ art-centry Marka Šahała buduć pakazanyja pravakacyjnyja kinašedeŭry. Siarod razynkaŭ – «Šoŭ žachaŭ Roki Chorara» ŭ pierakładzie na biełaruskuju movu.
U Viciebsku u art-centry Marka Šahała, što na vulicy Putna 2, z 1 pa 30 krasavika projduć mierapryjemstvy ŭ miežach mižnarodnaha mastackaha prajektu «Cinematograf 3».
U budnija dni možna budzie pabačyć sučasny žyvapis, hrafiku, fota i instalacyi mastakoŭ ź Biełarusi, Ukrainy, Litvy i Łatvii, a na vychodnych pabačyć redkija filmy, što nie pakazvajuć pa televizii i nie pradajuć u kramach. Budzie prademanstravana 18 filmaŭ takich majstroŭ, jak Vudzi Alen, Ałan Parkier, Aleks Van Varmierdam, Tom Dzičyła, Mikiele Saavi, Džon Mejbery, Esteban Sapir, Tery Ćvihaŭ, Džon Turtura. 2 i 3 krasavika, paśla prahladu filmaŭ, adbudziecca sustreča hledačoŭ z anhielskim režysioram Deni Ŭinkleram.
Nu, a hałoŭnaj «razynkaj» kinaprahramy abiacaje stać kultavy ḿjuzikł 1975 hodu “Šoŭ žachaŭ Roki Chorara” Džyma Šermana. Hety kinašedeŭr pra inšapłanietnikaŭ-tranśvieścitaŭ z dalokaha kosmasu zajhraŭ novymi farbami paśla chulihanskaha pierakładu na biełaruskuju movu. 18 krasavika jość mahčymaść zadać pytańni pierakładčyku, jaki pakul zastajecca inkohnita.
Arhanizavali hetu mižnarodnuju sustreču Muziej Šahała, Konsulstva Łatvii ŭ Viciebsku i adździeł kultury Viciebskaha harvykankamu.
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary