З 1 па 30 красавіка ў арт-цэнтры Марка Шагала будуць паказаныя правакацыйныя кінашэдэўры. Сярод разынкаў – «Шоў жахаў Рокі Хорара» ў перакладзе на беларускую мову.
У Віцебску у арт-цэнтры Марка Шагала, што на вуліцы Путна 2, з 1 па 30 красавіка пройдуць мерапрыемствы ў межах міжнароднага мастацкага праекту «Cinematograf 3».
У буднія дні можна будзе пабачыць сучасны жывапіс, графіку, фота і інсталяцыі мастакоў з Беларусі, Украіны, Літвы і Латвіі, а на выходных пабачыць рэдкія фільмы, што не паказваюць па тэлевізіі і не прадаюць у крамах. Будзе прадэманстравана 18 фільмаў такіх майстроў, як Вудзі Ален, Алан Паркер, Алекс Ван Вармердам, Том Дзічыла, Мікеле Сааві, Джон Мэйбэры, Эстэбан Сапір, Тэры Цвігаў, Джон Туртура. 2 і 3 красавіка, пасля прагляду фільмаў, адбудзецца сустрэча гледачоў з ангельскім рэжысёрам Дэні Ўінклерам.
Ну, а галоўнай «разынкай» кінапраграмы абяцае стаць культавы мьюзікл 1975 году “Шоў жахаў Рокі Хорара” Джыма Шэрмана. Гэты кінашэдэўр пра іншапланетнікаў-трансвесцітаў з далёкага космасу зайграў новымі фарбамі пасля хуліганскага перакладу на беларускую мову. 18 красавіка ёсць магчымасць задаць пытанні перакладчыку, які пакуль застаецца інкогніта.
Арганізавалі гэту міжнародную сустрэчу Музей Шагала, Консульства Латвіі ў Віцебску і аддзел культуры Віцебскага гарвыканкаму.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары