Apieratyŭniki kryminalnaha vyšuku Minskaha RUUS zatrymali 25-hadovaha minčuka i 20-hadovaha žychara Rakava. Maładziony krali instrumient na pryvatnych učastkach, dzie viałosia budaŭnictva, paviedamlaje telehram-kanał MUS.
Dniom jany vyjazdžali «ŭ raźviedku» pa Minskim i Vałožynskim rajonach. Viartajučysia ŭnačy, zrazali zamki, uzłomvali dźviery i zabirali ŭsio choć trochi kaštoŭnaje: ad budaŭničych ruletak da elektrainstrumientaŭ i hienierataraŭ.
Viadoma, što skradzienaje minčanin sprabavaŭ zbyć pa zanižanych cenach znajomamu pradprymalniku, jaki zajmajecca prodažam i zdačaj u arendu budaŭničaha instrumienta. Ale toj zapatrabavaŭ dakumienty, jakija paćviardžajuć lehalnaść nabyćcia. Pakul złamyśniki razvažali, što rabić dalej, apieratyŭniki vyjšli na ich i zatrymali.
U zatrymanych vyjaŭlena skradzienaja majomaść na sumu zvyš 10 tysiač rubloŭ. Častku instrumientu jany paśpieli pradać praź internet.
Zatrymanyja raniej nie sudzimyja. Zaraz jany znachodziacca ŭ IČU. Raspačatyja kryminalnyja spravy.
Ciapier čytajuć
Babaryka paśla sustrečy z Pratasievičam trapiŭ u ŠIZA1
Kamientary