93-hadovy vieteran: Jaki parad, navošta?! Chiba Łukašenku karcić pakazacca ŭ maršalskim mundziry
93-hadovy Fieliks Škirmankoŭ, jaki žyvie ŭ Słaŭharadzie, miarkuje, što ni pra jakoje praviadzieńnie parada na 9 Maja sioleta nie moža być havorki. «Vy ž pahladzicie na situacyju, jakaja skłałasia nie tolki ŭ Biełarusi, ale i va ŭsioj Jeŭropie», — emacyjna kaža vieteran.
«Kaniečnie, nie patrebny siońnia parad. Vy ž pahladzicie na tuju situacyju, jakaja skłałasia nie tolki ŭ Biełarusi, ale i va ŭsioj Jeŭropie. Jaki parad?! Navošta?! — kaža spadar Škirmankoŭ. — Niachaj jon [Łukašenka — «NN»] pakaža tych vieteranaŭ, jakija chočuć parad. Kaniečnie, treba na paźniej pieranieści. Budzie jašče nahoda, možna budzie ŭletku pravieści, kali jamu ŭžo tak chočacca. Chacia, moža, jamu karcić chutčej pakazacca ŭ svaim maršalskim mundziry. Praŭda, niezrazumieła jakoj armii».
U 1941 hodzie Fieliks Škirmankoŭ 15-hadovym padletkam pajšoŭ u partyzany. U listapadzie 1943-ha byŭ ciažka paranieny. Potym zakončyŭ vajenna-inžyniernuju vučelniu ŭ zvańni małodšaha lejtenanta i byŭ nakiravany na 4-y Ukrainski front kamandziram sapiornaha ŭzvoda. Vajnu skončyŭ pad Prahaj. Padčas vajny čatyry razy byŭ paranieny, uznaharodžany ordenam Čyrvonaha ściaha, dvuma ordenami Ajčynnaj vajny pieršaj stupieni, miedalami «Za advahu», «Partyzanu Ajčynnaj vajny» pieršaj stupieni, «Za Pieramohu nad Hiermanijaj».
U mirnym žyćci Fieliks Škirmankoŭ byŭ staršynioj Słaŭharadskaha rajsavieta.
Taksama spadar Fieliks źjaŭlajecca siabram niedziaržaŭnaha Sajuza piśmieńnikaŭ.
Stan zdaroŭja Fieliksa Škirmankova staŭ mocna horšać. «Amal całkam straciŭ zrok. Baču tolki abrysy ludziej. A samaje kiepskaje, kali prychodzić natchnieńnie i pišu vieršy, to potym nichto nie moža razabrać, bo radki nakładajucca adzin na adzin», — kaža jon.
Hladzi taksama: Fieliks Škirmankoŭ: Łukašenka da mianie na ty — i ja da jaho na ty, a hebisty dvojčy pytalisia, što ja skažu prezidentu
Jaŭhien Bury z ABBA raskazaŭ, kolki jaho biznes-asacyjacyja atrymała ad Jeŭrasajuza i na što patraciła10
Kamientary