U ES patrabujuć ad Biełarusi źniaćcia abvinavačvańniaŭ ź Siarhieja Cichanoŭskaha i inšych aktyvistaŭ
U Jeŭrasajuzie pryniali da viedama vystaŭlenyja abvinavačvańni błohieru, kiraŭniku inicyjatyŭnaj hrupy Siarhieju Cichanoŭskamu i siami inšym aktyvistam i patrabujuć ad Minska ich vyzvaleńnia, zajaviŭ Pieter Stana, aficyjny pradstaŭnik kiraŭnika dypłamatyi ES Žoziepa Barela, piša Interfax.by.
«Uličvajučy biespadstaŭny charaktar pieraśledu i ŭtrymańnia ŭ źniavoleńni Cichanoŭskaha, my zapatrabavali jaho biezumoŭnaha vyzvaleńnia i admieny ŭsich abvinavačvańniaŭ suprać jaho i inšych asob», — skazaŭ pres-sakratar ŭ aŭtorak na bryfinhu ŭ Brusieli.
«Pa-druhoje, Biełaruś zaraz znachodzicca ŭ vybarčaj kampanii. Parłamienckija vybary ŭ minułym hodzie byli stračanaj mahčymaściu pravieści ich pa jeŭrapiejskich normach. Zaraz dla Biełarusi vielmi važna zabiaśpiečyć zachavańnie fundamientalnych pravoŭ i pravoŭ čałavieka biełaruskaha nasielnictva», — praciahnuŭ Stana.
Ale kab heta było zroblena, pavodle jaho słoŭ, «patrebny inšy kantekst», jaki dazvoliŭ by pierachod Biełarusi da demakratyi.
Pradstaŭnik Barela nahadaŭ pazicyju ES: «Vyniki hetych vybaraŭ i toje, jak ich praviaduć, buduć mieć vyrašalnaje značeńnie dla adnosin pamiž Jeŭrapiejskim sajuzam i Biełaruśsiu».
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary