У ЕС патрабуюць ад Беларусі зняцця абвінавачванняў з Сяргея Ціханоўскага і іншых актывістаў
У Еўрасаюзе прынялі да ведама выстаўленыя абвінавачванні блогеру, кіраўніку ініцыятыўнай групы Сяргею Ціханоўскаму і сямі іншым актывістам і патрабуюць ад Мінска іх вызвалення, заявіў Петэр Стана, афіцыйны прадстаўнік кіраўніка дыпламатыі ЕС Жозепа Барэля, піша Interfax.by.
«Улічваючы беспадстаўны характар пераследу і ўтрымання ў зняволенні Ціханоўскага, мы запатрабавалі яго безумоўнага вызвалення і адмены ўсіх абвінавачванняў супраць яго і іншых асоб», — сказаў прэс-сакратар ў аўторак на брыфінгу ў Бруселі.
«Па-другое, Беларусь зараз знаходзіцца ў выбарчай кампаніі. Парламенцкія выбары ў мінулым годзе былі страчанай магчымасцю правесці іх па еўрапейскіх нормах. Зараз для Беларусі вельмі важна забяспечыць захаванне фундаментальных правоў і правоў чалавека беларускага насельніцтва», — працягнуў Стана.
Але каб гэта было зроблена, паводле яго слоў, «патрэбны іншы кантэкст», які дазволіў бы пераход Беларусі да дэмакратыі.
Прадстаўнік Барэля нагадаў пазіцыю ЕС: «Вынікі гэтых выбараў і тое, як іх правядуць, будуць мець вырашальнае значэнне для адносін паміж Еўрапейскім саюзам і Беларуссю».
Разведка ЗША: Беларусь стала перадавым вайсковым плацдармам Расіі24
Каментары