Ofis hienieralnaha prakurora paviedamiŭ pra padazreńni eks-prezidentu Piatru Parašenka za nibyta złačynny zahad, jakim jon schiliŭ kiraŭnika Słužby źniešniaj raźviedki Siarhieja Siomačku da pieravyšeńnia im ułady i słužbovych paŭnamoctvaŭ, paviedamlaje Bi-bi-si-Ukraina.
Pra heta paviedamlaje pres-słužba Ofisa hienieralnaha prakurora (OHP).
Pavodle źviestak śledstva, Parašenka na pasadzie prezidenta ŭ 2018 hodzie vydaŭ «vidavočna złačynny zahad», jakim schiliŭ staršyniu SZR da pieravyšeńnia im ułady i słužbovych paŭnamoctvaŭ.
«Ciapier vyrašajecca pytańnie ab abrańni ŭ dačynieńni da padazravanaha miery strymańnia ŭ vyhladzie ŭtrymańnia pad vartaj», — havorycca ŭ paviedamleńni ofisa.
Nie vyklučajuć, što mieru strymańnia sud abiare ŭžo ŭ sieradu.
Atrymaŭšy padazreńnie, Parašenka z advakatami i niekatorymi narderpami pryjšoŭ da hienieralnaha prakurora Iryny Vieniadziktavaj. Jon zajaviŭ, što praces u dačynieńni da jaho palityčna matyvavany, a sama Vieniadziktava vykonvaje ŭkazańni prezidenta Zialenskaha i jaho ofisa.
«Heta, biezumoŭna, pieraśled apazicyi. Heta ŭžo pierachodzić usie miežy. Kali, nie majučy jakich-niebudź zakonnych padstaŭ, vy sprabujecie pieraškadžać majoj dziejnaści», — zajaviŭ Parašenka.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»18
Kamientary