Офіс генеральнага пракурора паведаміў пра падазрэнні экс-прэзідэнту Пятру Парашэнка за нібыта злачынны загад, якім ён схіліў кіраўніка Службы знешняй разведкі Сяргея Сёмачку да перавышэння ім улады і службовых паўнамоцтваў, паведамляе Бі-бі-сі-Украіна.
Пра гэта паведамляе прэс-служба Офіса генеральнага пракурора (ОГП).
Паводле звестак следства, Парашэнка на пасадзе прэзідэнта ў 2018 годзе выдаў «відавочна злачынны загад», якім схіліў старшыню СЗР да перавышэння ім улады і службовых паўнамоцтваў.
«Цяпер вырашаецца пытанне аб абранні ў дачыненні да падазраванага меры стрымання ў выглядзе ўтрымання пад вартай», — гаворыцца ў паведамленні офіса.
Не выключаюць, што меру стрымання суд абярэ ўжо ў сераду.
Атрымаўшы падазрэнне, Парашэнка з адвакатамі і некаторымі нардэрпамі прыйшоў да генеральнага пракурора Ірыны Венядзіктавай. Ён заявіў, што працэс у дачыненні да яго палітычна матываваны, а сама Венядзіктава выконвае ўказанні прэзідэнта Зяленскага і яго офіса.
«Гэта, безумоўна, пераслед апазіцыі. Гэта ўжо пераходзіць усе межы. Калі, не маючы якіх-небудзь законных падстаў, вы спрабуеце перашкаджаць маёй дзейнасці», — заявіў Парашэнка.
Ва Украіне загінула 24-гадовая беларуская добраахвотніца Марыя Зайцава20
Каментары