Da 2009/2010 navučalnaha hoda dla vučniaŭ 1—11‑ch kłasaŭ ahulnaadukacyjnych ustanoŭ rekamiendavana paradku 145 madelaŭ adzieńnia dziełavoha stylu.
Jak paviedamiła BiełaPAN hałoŭny inśpiektar upraŭleńnia ahulnaj siaredniaj adukacyi Minadukacyi Śviatłana Prastakova, pakaz madelaŭ adzieńnia dziełavoha stylu, a taksama śviatočnaha adzieńnia prajšoŭ 8 krasavika ŭ ramkach XXIV Mižnarodnaj vystavy‑kirmašu pa aptovym prodažy tavaraŭ lohkaj i tekstylnaj pramysłovaści «BiełTEKŚlehpram. Viasna 2009». Madeli byli pradstaŭleny 14 pradpryjemstvami kancerna «Biellehpram», u liku jakich AAT «Elema», AAT «Słavianka», ZAT «Aršanskaja pramysłova‑handlovaja firma «Śvitanak» i inš. Na pakazie prysutničała kala 200 staličnych školnikaŭ, a taksama ich baćki i nastaŭniki.
U krasaviku—mai prahlad madelaŭ adzieńnia budzie arhanizavany va ŭsich abłaściach krainy.
Dziełavy styl adzieńnia ŭ biełaruskich škołach uvodziŭsia paetapna na praciahu troch hadoŭ: spačatku ŭ pačatkovaj škole, zatym u bazavaj, letaś — dla vučniaŭ 10—11‑ch kłasaŭ.
Adzinaj školnaj formy ŭ Biełarusi niama, dla navučencaŭ rekamiendavany kamplekty adzieńnia.
Dla chłopčykaŭ heta štany, pinžak, kamizelka, kašuli z doŭhim i karotkim rukavom, halštuk, u zimovy čas hety harnitur moža dapaŭniacca trykatažnym śviteram abo kamizelkaj. Kamplekt dla dziaŭčynak: štany, spadnica abo sarafan, błuzy z doŭhim i karotkim rukavom, u zimovy čas harnitur dapaŭniajecca trykatažnym śviteram.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju27
Kamientary